بارت ٤٤
#عشك_الملا " غربال"
لاتنسون التصويت ومتابعة الحساب والتعليق على كل فقرة
موعدنا كل ثلاثاء وخميس الساعه العاشرة مساءً 💕
وردة الشيخ محمد
في احدى خيباتي
التفت اليك كثيرًا في اخر وداع
اردت منك التفاته واحدة ، نظرة واحده تحيي قلبي
لكنك لم تلتفت ..
شعرت حينها انني كـ كلمة لا محل لها من الإعراب .
سلام العراقي .
تشنجت ايدي من سمعت صوتها وهي تصيح
بسرعه سديت الخط ولبست ملابسي
اتصل وماترد عليه
- خررررررب .... وچ الوووو
خليت السلاح بالكراب وطلعت ركض ركض
تلكتني نغم بباب المطبخ :- وين ابويه
بدون ماارد عليها لبست الحذاء وانا اتصل قلق عليها لايصير بيها شي
لو واحد متعرضلها
نغم :- وين رايح !؟؟ ماضل شي ؏ الموعد
الملا :- يااكلان *** البنيه لايصير بيها شي .. ياعلي مدد
عفتها تحجي مامنتبه وياها
وركضت للسياره بسرعه طلعتها
وشخطتها بسرعه للمكتب
عيني ؏ الساعه وايدي لازمه التلفون اتصل وماترد
انخلقت وماعرف شسوي والدم صعد الراسي
عرفت ضغطي ارتفع عندي ضغط انفعالي ..
بين ماوصلت
نزلت بسرعه متوتر وقلق خاف بيها شي ، امانه عندي
باوعت ماموجوده مكانها
تقربت اكثر شفتها كاعده بالكاع وره ميز السكرتاريه وضامه راسها بين رجلها وتبجي بدون صوت
الملا :- حلا
بسرعه رفعت راسها وكامت مسحت وجهه وعدلت ملابسها وانه اباوعلها بقلق :- شبيج بنتي ؟
دنكت راسها وايدها ترجف وجهه احمر دم
حلا :- ماكو شي استاذ اني اسفه
الملا :- كعدي استريحي هسه اجيبلج ماي ارتاحي
رحت للثلاجه جبت البطل وسمعتها رجعت بجت
عفتها براحتها مارحتلها
مرات هواي نحتاج نبچي .. هنيال البعده يبجي
ويطلع حزنه .. هنيال اليكدر يسولف حزنه بدموعه
رفعت راسها اتنفست وصارت تهوي ؏ وجهه
گحيت ونصيت راسي نبهتها ؏ وجودي
عدلت نفسها وكعدتها
رحت شغلت البنكه َ
الملا :- اذا يسوه البچي ابچي هواي .
التفتت عليها وهي دنكت راسها مستحيه ودمعتها رجعت نزلت
حلا :- استاذ محد يحس بيه لا اهل ولا صديقات ولا حتى احد
فتحت بطل الماي وقريت بكلبي جزء من مناجاة الخائفين بوجهه :-
اِلـهي اَتَراكَ بَعْدَ الاْيمانِ بِكَ تُعَذِّبُني، اَمْ بَعْدَ حُبّي اِيّاكَ تُبَعِّدُني، اَمْ مَعَ رَجائي لِرَحْمَتِكَ وَصَفْحِكَ تَحْرِمُني، اَمْ مَعَ اسْتِجارَتي بِعَفْوِكَ تُسْلِمُني، حاشا لِوَجْهِكَ الْكَريمِ اَنْ تُخَيِّبَني، 3
