ورده الشيخ محمد
لاتنسون التصويت والتعليق ♥
#عشك_الملا ٢
لاتنسووون التصوييت لطفاً
------------------------------------------------------
قبل 3 سنوات ونصف ..
بقيت طول الطريق وجهه ميفارك تفكيري واحس بنفسي هذا الشكل ابد موغريب عليه بس وين مااكنت اعرف,
وصلت قريب بيتنا وكلت الابو رضا :-عمو انزل ويايه اتغده الوالده اليوم مسويه اكلات تاكل اصابيعك وراها والله واكله اطيب من اكله
ضحك وهو يعدل نظاراته وكال :- ههههه والله عمو سراوي ..سوالفج حلوه ...بس شيفكني من بهجت تضوج وحدها تعرفين رضا بالعسكريه وصارت تضوج تحط اللكمه بحلكها بدونه
- اووي عموو لعد جيبها فد يوم عدنا ليش تكعد وحدها وتضوج ع اقل تسولف وي ماما يطلعون يتمشون شي ولتبقى هيج وتنقهر
- والله يابعد عمج ماتقبل تطلع وحابسه روحها بهالحجره (الغرفه) وكاعده بقريولتها (جربايتها) ومتقبل تطلع لازمه قرانها وتدعي الرضا وحاطه كلبها بشيشه عليه لان بالغربه
- يارب يرجع بالسلامه بس هماتين اقنعها بلكي تجي العدنا تعرف احنه ماعدنه احد نعرفه هنا ببغداد غيركم
- احاول وياها ياعمو وبلكي والله ريتها
- يلا عمو هياني وصلت بلغ سلامي للحجيه
- ههههه هلا بيج واصل بعد عمج بس طبكي الباب حيل لان ماينسد
نزلت من السياره فتحت الباب وركضت للحديقه علمود اشوف جهال البزونه مالتي ..
شفت بابا بملابس الدوام ذاب الستره ع المرجوحه وكاعد يسكي الورد بالحديقه
ـ دكتور احمد ممكن اكلك هلو وانطيييك بوووسه قوووويه
فاجأته بحضنه. من وره ظهره وهو يضحك ...
ـ حبيبة ابوها وعيونه وخري... وخري ..لتتبلل ملابسج
ـ خلييي تتبلل. ملابسي المهم احضنك حييييل قبل متجي ست اروى وتخبصني بغيرتها وتاخذك مني
ـ هههههه شلون جان يومج باباتي
ـ مللللللللللل اووووووف ماتوقعت هيج الجامعه ممله والبنات شايفين نفسهم
ذب قميصه وبقى بالفانيله وجاوبني وهو يمسح العرك من كصته وذب نفس :- بابا حبيبتي هناك مجتمع مختلف بي الزين وبي الشين وبي العنده الف وجه ووجه بس هنا لازم يكون الانسان فطن ويتعلم ويعرف ينكي صاحبه ورفيق دربه ومينخدع بالناس
ـ زين بابا شلون اعرف الزين من الموزين
ـ المواقف بابا.. المواقف والافعال
