البارت ٦٠
#عشك_الملا_غربال_ج٢
لاتنسون التصويت ومتابعة الحساب والتعليق على كل فقرة 💙
ورده الشيخ محمد
-----------
أعرفُ جيداً كيف يُخنق المرء من ذهنِه
كيف تصيرُ الأفكار حبلاً حول الأعناق في لحظةٍ
كيف يغدو الصُداع مقبرة للطمأنينة 🥀🖤.
الملا //
وكفت السيارة برهبه وفزع
ركضت مدوهن البال وخايف وكضتني رجفة من هول الموقف
ركضت عليها مشموره بالكاع
رفعت راسها والدم كاب يصب صب
شلتها على متني وركضت بيها نومتها بالسيارة
وطرت طير بيها بكل سرعتي
وانه اردد بكلبي نادِ علياً مُظهرَ العجايب
رفعت التلفون اتصل وانا ماعندي كوه ينسمع
سمعت ونينها
رجفت ࢪوحــي عليها التفتت عليها وانه العرگ يصب مني حجيت بصعوبة :- يمچ بويه .. يـ يّمج..
بسرعه رد هيثم وانه سديته بسرعه دزيتله
" الحكني للمستشفى
وصلت للمستشفى
صحتلهم ونزلتها وانا شايلها واركض جابو السديه
وبقيت واكف بره ايدي على راسي
خايف عليها
الموقف بحد ذاته مرعب ومؤلم لان بنيه ..
خابرلي هيثم شفته من بعيد
رفضت الاتصال
وگمتله شافني واجه يركض مفزوع :- شبيك ؟؟؟؟
اشرتله مابيه شي
ذبيت نفس وهدأت نفسي وحجيت :- دعمت.. بنيه ..
فتح عيونه وضم شفته
هيثم :- لا اله الا الله ان شاءالله ماكو شي
وكف بصفي :- هسه شني ؟
اشرتله بمعنى دخلوها للردهه
مسحت وجهي والف ياالله رددت
هيثم :- كون مايصير بيها شي
الملا :- يارب مدد
اتلفت وياهو العبر اباوعله
هيثم :- خل اروح اشوف شكو واجي
عافني وراح
بقيت بمكاني ممنوع الدخول الردهة النساء
بنيه ممرضه عبرت
وكفتها
حجيت بصعوبة :- بنية .. سوت .. حادث .. لابسه.. عباية ...
اشرتلها ؏ المكان
الممرضه :- شنو اسمها ؟
هزيت راسي بعدم المعرفة ، :- ماشي ماشي اني حروح اشوفها
الملا :- ممنون
راحت ورحت وراها انتظر بقلق
اجه هيثم يفرك بيده
شافني باقي بحيرة هز راسه بمعنى اطمئن
هيثم :- مابيها شي بس وجهه متشخط ومفشوخ راسها خيطو الها
الملا :- الحمدلله .. زين .. نكدر.. نشوفها ...؟
هيثم :- اي مولاي .. تعال وياي
رحنه الردهة الطوارئ
مغطين الردهات كلها ببردات
فتح هيثم وحده من البردات واشرلي انه مدنك وامشي
الممرضه واكفه تشكل مغذي
والبنيه متمدده بعبايتها وراسها مشدود ووجهه ملفلف مشخط نَشفت گلـــبـي ..
