بارت٥٧
#عشك_الملا_غربال
لاتنسون التصويت ومتابعة الحساب والتعليق على كل فقرة 💙
ورده الشيخ محمد
--------
صرخت ولطمت خدي :- يممممه
حلاوه :- هسه تصير كارثه طبهم مرض
التفتت عليها :- شبيييج تخبلتيييي !!!
ماردت عليه فرفحتني
مديت راسي من الباب شفت الملا فتح الباب ووكف
الملا ///
لنعود قليلاً في الزمن ...
لنعود حيث وقفنا ، لنعود الى تلك الصَرخة التي كانت من القلب ...
اماه يازهراء ، نَظرة لقلبي المُعدم
لعله يضاء بهداكِ
انتچيت ؏ الكشن
بيدي الجكاره اريد الزم الجداحه تطيح من ايدي
وگفت هي وگفة العدم
بين اللازم احچي وبين اللازم اسكت
من اصعب المشاعر والاحاسيس الي يحس
بيها الانسان
من يوصل مرحلة الكَتم بشكل تام
لايكدر يحجي ولا يكدر يسكت
بس روحه تنوكل شوي شوي ..
خابرت الحازم كتله روحلهم
شمرت التلفون ونزلت من السياره الوب مثل المحترك وهو عايش
وماعنده شي يطفي
افرك راسي وصدري محترك دخان احسه متراكم على صدري خانكني
اعرف كلشي يسوي
واعرف شكد تتعنف
واعرف شنو الي يسوي بيها من خلال حازم وسيلا ومراقبة الاجهزة بشكل كامل
مراقب كل التحركات من بعيد
بس بروح متعوبه ومهضومه
اخاف عليها حتى من النظرة التجرح مشاعرها
شلون وانه يوميه ادري بيها تتعنف وتنضرب ومااكدر اسوي شي
ماكدرت افكر ولو ثانية بـ انانيه ولا كدرت اسوي هيج ذنب وتروح ضحايا بسبب تسرعي وبسبب انانيتي
چنتّ اكدر اجرها من بين سن الضبع
بس ماكدرت ، وراها ناس راح تنمرد روحها
وراها ناس مالهه ذنب وراها اطفال مخطوفه
وراها ستر نساوين يتطشر ، وراها ارامل ومطلقات وبنات بيوت وحرم تروح بالرجلين والدم يوصل للنحر ..
چنتّ اكدر اخلصها بلمح البصر واخفف عنها
بس واكفه ببلعومي قضايا تنزل روس الزلم
تهتك اعراض
تشتت شمل
تيتم اطفال
تشوه سُمع
الليل مانمته من كثر التفكير الي انه بي
يوميه الوب مابيه اوگف على اجدامي من ثكل الحمل الي شايله
حازم وياي خطوه بخطوه
بنفس الوقت خايف لا ينكض لان اكثر من مره راد ينلزم بس بذكاء طلع من السالفه وشوش عَليهم تفكيرهم
القضيه معقدة ومو كلشي ينحجي والمخفي اعظم واشد قساوة
اكو صفحات من الكتاب مشكوكه
محد يعرفها غير لؤي ..
محد يكدر يوصلنه الهم غير لؤي
لؤي هو الطريق الوحيد الي نكدر نسحب مجموعه منهم والمجموعه الباقيه تنجر وراهم بس ينلزم
بهالحاله نكدر نوصل ولو 65٪ من حل هالعگده
العگده صعب تتسولف ، مُعقده مثل تفسير ملحمه تاريخيه ماتعرف منين اجت وشوكت انكتبت بس هي وصلت الشي كلش جبير ..
