#حلاوة
جنت كاعده ارتب بملابسي مال النيشان والخطوبة وهدايا جواد موتني يشتريلي العاب ودببه خبلني بيهم اخر دب جان بطولي احتاريت وين اضمه
س١١ خابرته : حبيبي
- روحي
- متجي عدنا جدة تنتظرك وسراوي متقبل انام اله بحضنك وتلعب بشعرها
- وچ مكموعه تذبينه براس بنتي والحجية جنك مشتهيه ومسحيه يولوووو
- ههههههههههه عيب ماما
- مااكدر اجي ياريت اكدر طالع ب مهمه ب ٢ بالليل وابات بالمركز وحتمال وره المركز اروح للمعسكر اچيك وضع الطلاب وعندي تدريب ٤ ساعات ومأجل التحاقي للموصل بسبب المهمات
- اوووو سالفتك تعبانه حياتي بس وربي اشتاقيت
- هههههههههه مااشبع منج ولج لاتتدلعين
- اممممم ليش مااتدلع مو اني نونيه مالتك ؟
- ولج
- ههههههههههه يلا كمل شغل
- احبكِ بنياتي
- عمري وروحي احبببببببككككك
سديت الخط وجعت نزلت اكل شفت ابويه يتصل : يوصل كلشي الكم بس لاتسون اي عمل اترجاكم ابوس ايدك ورجلكم لتسوون هيج
.. تمام انا اليوم اجيلكم
حلاوة : بابا
فد ابويه وسد التلفون بسرعه : ها ... ها سواري بنيتي حياتي
- شبيك باباتي
- بيه انتو روحي من الدنيا انتو بناتي
سحبني ولمني بحضنه وعصرني قوي : ماعندي غيركم بهالدنيا
- شبيج بابا دتخوفني
- ماكو شي روحي نامي اني اريد اطلع قفلي الباب ورايه
- وين اطلع بابا ساعه ١١ بالليل
- طالع للمستشفى عندي شغل لازم اكمله سدي الباب ورايه
هزيت راسي ورفعت شعري طلع وسديت الباب وراه اريد ادخل رجع اندك الباب صحت : منوو
- اني بابا اني
مستغربه فتحت الباب بس مجرد فتحته ذب نفسه بحضني ويبوسني ويشم شعري بقوه : بناتي وروحي من الدنيا انتو
- بابا شبيك فدوه شبيك حبيبي
متحملت اكو شي قهرني وجرح كلبي وموقف ابويه خلاني ابجي
حضنته حيل وسميت عطره بقوه
عافني وطلع واني احس اختنكت والدنيا سودت بعيني واكتأبت بقيت كاعده بالحديقه وجهازي عندي
#جواد
لحظات جمدتني وجمدت كلبي وروحي ، بقيت طابك حواجبي واشوف الكدامي يرجف وينكث نكث
حجيت بصوت يتلعثم وماطر على راسي غير اسرار.
