#عشك_الملا
لاتنسون التصويييييت 😢😢❤️
ورده الشيخ محمد
#غربال
حتى خطج حلو
حتى ايدج الي لمست الدفتر حسيت وكإني لامس ايدج الترفه
رفعت راسي للسما : شكرا يارب لان كبرتها بسرعه كلش شكرا اللهي ...
غمضت عيني ورحت امشي مبتسم ..
نظرة الي تحبه تزيد عمرك عمرين ...مثل الحديقه الي بلا ورد وتسكي كل يوم
- اخ شكد يحبج گلبي
رحت بوجهي كبل للروضه .. لكيت بنيتي تنتظرني من شافت السياره رفعت ايدها تحييني وتبتسم
وكفت وهي صعدت وطلعت بيها للبيت
تلكتني امي الحجيه اباوع الها وجسمي يكزبر من تصيحلي :-
- هلا يمه هلا يبعد رويحتي
اخ يمه .. شمحلاها هالكلمه
رحت صليت وهديتلها ركعتين هديه حطيت ايدي على كلبي
والسبحه بيدي ورددت : يارب گلبي يريد گلبها وروحي تلوب عليها مو صعبه عليك ترزقني حبها
فز كلبي ابتسمت اعرف هالفزه من تمر عيونها ببالي : احبج وحگ فزة كلبي احبج
صبت الغده وانا بديت اغرد من اللمحه الاولى للنظره الاخيره والحجيه تسمع وتتبسم
- يمه هو اروحن اخطبها عليش ماكله كلبك هيج
- مايقبلون ادري عبنها تدرس
- لا رجل عمتك مايعارض
- نسيتي انه مطلك وعندي بنيه ؟
- وشني مطلك بي جرب لو بي بخريان لو شنهي موش زلمه
- يمه مو هيج السالفه وعلي بس مادري
- ماتحس روحك مستعد
- افا حجيه انه وبزر جنت مستعد بس بعد احس الوقت مامناسب ليها
- كض روحك بس هالفتره وانه اروحن اخطبها
- شني جا انت بعدج زعلانه ها
- ارضى لعويناتك
- غير احبنج حنه اروحن فدوه لگصايبج
- يبعد امك واهلها
رفعت شيلتها وبست كصايبها : احبج انه
مسحت على راسي وباستني وجان تكمز حلاوه : باباااااا
وتجي تضم روحها بحضني وتلزم لحيتي : نعسانه
- هسه انومج
كمت واخذتها للفراش : ابقي هنا هسه اجي
رحت للمطبخ شفت الحجي كايمه تريد تغسل : ها ها شني
- خن اغسل هذن
