#عشك_الملا_غربال..... بارت٤٩
لاتنسون التصويت ومتابعة الحساب والتعليق على كل فقرة 💜
ورده الشيخ محمد
قراءة ممتعة
- أن يتحول أحدهم من شخص مرح، ذو روح بسيطة ومتفائلة ، إلى شخص يشعر بكل شيء فيحزن من أبسط الأشياء ويؤرقه كل شيئ ذلك ما حدث لي.
حلاوه //
چنتّ ملفلفه ࢪوحــي بالبطانيه
وكاعده ؏ الجربايه والبنات يمي
وجوهنا ترسها القلق والخوف
والحيره اكلتنا منعرف نتصرف ومنعرف نسوي شي
سيلا :- زين بنات خلونه ندز الملاتي ونقيس نبضه
نور :- اني هم كلت
حلاوه :- اجه ببالي نروح للشرطه بحجة نشوف ابويه
وهناك نحجي للشرطه على كلشي
سيلا :- نسيتي من كلولج قدمنه اتباعنه للشرطه ؏ طبق من ذهب تتوقعين ميكرون يأذون ابويه داخل السجن ؟
نور :- بس الملا شلون وهو متقصدينه يعني لازم يدري بلي ديصير
حلاوه :- شلون نحجيله مثل ماهددوا ابويه بينه يهددوا ببنته ودتشوفون شلون متعلق بيهه والله يموت
نور:- شلون بله نبقى هيج ؟
سرحت البطانيه مني بدون ماانتبه من بعد مجنت ملحفه نَفسي بيهه
ماحسيت غير سيلا صيحت :- ولج شنو هاي ؟؟؟ كاطمه شعرج؟
حلاوه :- اوو توج انتبهتي مو كتلج كصت ظفيرتي
نور :- شفتها بالعلاكه وماردت اكلج خاف اجرحج حسبي الله ونعم الوكيل
تقربت مني ولزمت شعري ؛- صلعه من وره هاي شمسويه الله ياخذها
حلاوه :- الجاي اكبر من شي اسمه شعر الي صار اكبر من خسارتي الشعري ، جواد اذا صار بي شي اني اموت ميخالف هاي يجرحني الف مره بس جان زين جانت علاقتنه حلوه ماريده يتأذه والله
سيلا باست راسي :- جيبن التلفون خلي نراسله
انطيتها الجهاز
ودزتله ؏ الماسنجر :- هلاو ملاتي اني سيلا
ماوصلت الرساله
نور :- ࢪوحــي واتساب
هزت راسها ودزتله :- مُلاتي دير بالك على روحك وصلنه كلام اكو ناس راح يأذوك ولاتثق بهذا حازم ترا وياه عصابه واني مااكدر ادزلك اكثر من ترجع تعال للبيت ونحجي وياك على كلشي لان احنه هم مهددينه وحياتنه بخطر
وصل خطين
شويه وصار الخط ازرك
سيلا :- شافها شافها
وصل مسج النا :- اهوووو شنو هالمهزله بابا انتي متملين ؟؟؟ خافن على روحجن وسترن على روحجن وبطلن تدزن مسجات كوه مني متحمل من اجيكم واكعد امثل عليكم لان انتم ناس مايجي من وراكم غير المشاكل
وهاي اخر انذار الج والخواتج كتلج حرف ماريد منج
جريت التلفون منها ودزيت بصمه ارجف:-مساع كلامك مختلف شكد حقير والله مقهوره عليك لان الدنيا حتدور بيك وانت عندك بنيه واحنه بنات وكاعد تطعن بينه حسبي الله ونعم الوكيل بيك الف مره
رجع دز كلمات حطمت گلـــبـي وكسرته:- ليش فد قندرة انتي ؟
ماتحملت حظرته من الواتساب ومسحت حساباته كلهن
رفعت عيني للبنات مخليات ايدهن على حلكهن
واني عيوني غوشت بكد مادموعي تجمعت هزت راسها سيلا وعيونها بچت حچه بغصه
سيلا :- اذا طگاتنه من اعزاز چــا ياهو اليرد حگنه
نور :- معليكم بي يولي احنه نكدر نوكف على حيلنه
وكفت بكل ثكل وبرود وحرگان كلب
كلام المرايه وشفت شعري وايدي وبهذلتي
بجيت ورفعت عيني للسما وكلت :- يارب ، انتَ اكرم من ان تضيع من ربيته
اخذت كصيبتي خليتها على صفحه
وتمددت بالجربايه اني وخواتي ووحده حضنت الثانيه ونمنه واحنه الف سالفه مرت ؏ بالنه
مرت الايام والملا بعد ماحجينه وياه
ومن يجي بس امي تطلعله
والدوام كله عفته مارحت بعد ، وحاولت ماافكر بالموضوع
بس يوم بعد يوم الموضوع صار ياكل بكلبي وجسمي
يوميه صرت افكر هسه ينشرون صورنه
وهسَۿ يبتزونه
يوميه صرت اباوع التلفون هسه يتصلون هسه يفوتون علينه للبيت
التفكير اكل گلـــبـي اكل كطعني تكطع
لحد ما فد يوم اني رحت للحمام
وطلعت ، شفت باب السطح مفتوح ؏ النص
ࢪوحــي حسيتها انخرطت
كان هسه فاتو علينه وحاصروا البيت
كمت اباوع الكل زوايا البيت
دخلت الغرفه نور شفتها نايمه بسرعه ركضت كعدتها وسديت حلكها
بعدتني وهمست: شنوو
شاورتها:- ولج باب السطح مفتوح راح اموت من الخوف
نور :- شنو ؏ـَزا يمه
حلاوه :- نطفر من الشباك نهج شنسوي
نور :- خاف امي ماسادته اكو احد بالبيت
حلاوه :- لا ماكو دورت البيت فارغ
وكفت وياي نور ومدن راسها :- صدك مفتوح
حلاوه :- نصعد نشوف شكو
نور:- يمه اخاف
حلاوه ؛- ولج سوه
وصدك جريتها وصعدنه وصلنه اخر بايات
مديت عيني من من نص الباب المفتوح مشفت شي
اشرتلها بمعنى ماكو شي
توني اريد انزل وسمعت صوت سيلا
سيلا :- كتلك اذا تطلع الك ايد بالسالفه اكلب الدنيا ؏ راسك ... كلشي اكدر اسوي حرامات حبيت واحد مثلك ايع وتطلع من هذول الجماعه غير الزم گلـــبـي واكتله بالنعال
سيلا :- شكو تضحك والله الزم گلـــبـي واكتله بالنعال اخلي الصمامات والشرايين يصير بيهن طبع 37 لان حبن واحد مثلك
لتضحك وقزرقط
سيلا :- واذا ضابط ؏ روحك عيني حسافه والله ماتسوه رجفتي بالمخفر ولزمني سهال كطع بطني من الخوف والله لو ادري بيك خنيثه مثل هذا لؤي الزمال جان ماخفت منك هلكد ، لك اني مطيه
كزت ؏ سنونها: لتضحك لتضحك عمه بعينك
