#عشك الملا ٦
#عشك_الملا
#ورده_الشيخ_محمد
لاتنسون التصووويت
اخذها وطلع ومندري شصار غير بس خالتي تفرفح جوه ايد غربال
دخلنا للاستقبال
نص ساعه واجه مهيمن حجه ويه نور
ـ ها بنوات شني شعدجن كاعدات هنا شبيجن تبجن
ـ امك مندري شبيها واخذها غربال للمستسفى
انتفض مهيمن بسرعه : شنووو شكلتي وين راحو يامستشفى
ـ مندري والله
بسرعه ركض وطلع من البيت ودخلن امي وبيبي وبيدهن علاليك
- ولك مهيمن شمالك
بدون ميجاوب ..حجت امي : فوتي يمه هذا هم مخبل مثل امه
من شفنه ماما ركضنا الحضنها ونبجي :- ماماااا خاله نهاوي وكعت
ـ يااااا عزززززااا هاي شكووو
ـ ولج شني يمه تعاي حبوبه شبيها خالتج?
ـ بيبي والله خاله نهاوي ضلت تبجي وتصرخ وغربال اخذها منعرف شبيها
ـ عزا العزاني ووين اخذها خايبه خل اكومن .. علي علي علي
كامت بيبي :- يمه وين كايمه واحنه منعرف وين راحو
ـ خايبه شمالها نهيوه بس لا طاكها رجلها وكاسره ايدها عبن هاي مو اول مره يسويها
ـ هاي شنو بعد معقوله
ـ يوووه جنج ماتعرفين لسان اختج لو فك حلكه وياها ردته بعشره لا رجلها خلصان ولا عيالها, عدزلها وهي بعدها
ومنا رجلها مسودن لو فكت حلكها هددها يحط جيله براسها بلجن تعڰل
ـ شنو هاي عبالي كبر وصار ادمي ولو هي اختي مدري شلونها تتعارك وي ذبانها ومحد خلصان
ـ هسه بلجن يمر طارش يردلنه خبر هالمكموعه شمفينه
ـ ان شاءالله ماكو شي حبيبه
طلعت ماما العلاليك وضلت اتقيس علينه الملابس
لهنااااك ودخلت خاله نهى وايدها ملفوفه كلها من الطول للطول
ركضن امي وخالتي
وغربال حجه :
ـ عدت سلامات يمه لاتخافين
ـ يمه شني شمالها ايدج شصارلج طكج المسودن هاااا? ?
ـ عوفيني يمه مابيه حيل
راحت وتمددت وامي نزعتها الحجاب والعباه
رفعت راسي واشوف غربال صافن عليه بس التفتتله ابعد نظره عني
ـ سراوي كومي جيبي مي الخالتج يلا ماماتي
ـ حاضر ماما
كمت للمطبخ دااجيب مي اريد الوح الكلاص ماكدرت
جان فجأه انشال
واسمع صوت غربال
