#عشك_الملا (غربال)
ورده الشيخ محمد
لاتنسوووون التصويتتتتت ❤️❤️
#حلاوه
شعوري بالتحديد مثل الطفل الي ممتعود يطلع وطلع اول طلعه اله المدينة الالعاب !
شعوري مثل الام الي تسمع اول كلمة من طفلها "ماما"
سكوت ونفس عاااااالي ، وصوت متكرر هادئ بي كمية حب خياليه
همس
- اسرار
غمضت ورجفه صارت بكل جسمي واطرافي جمدت ومن اتنفس احس وكأن يصير الم بكلبي بس الم حلو
متوقعت عيونه وصوته ياخذ عقلي وكلبي
حجه كلمات متقطعه وبكل كلمه يسحب نفس لدرجة النفس متقطع مثل اليشهك شهك
- اسرار ... جاوبي
- همم
- اذا اتقدملج على سنة الله ورسوله توافقين
سكتت توترت اكثر متت بدمي ومن خجلي سديت الخط
- اوووووف وربي متت شنو هاي
لمست خدودي حمر ووجهي گب نار "احبچ اسرار" نمت وغطيت راسي
- يمممممه معقوله
رجعت رفعت البطانيه وصافنه بالسكف وكلبي ينبض بشكل مو طبيعي متت لدرجة حلكي نشف
كمت للحمام غسلت واني اباوع وجهي بالمرايه ومبتسمه
- احبك مُلاتي ...
طلعت من الغرفه وكعدت ع الدرج احس رجلي ثكلت تدهورت حالتي رفعت شعري ورجعت الغرفتي
شفت جهازي داز رساله:
جواد غربال :لاتلوميني كلبي من ضاگ صوتچ ضاعت علومه مستعجل ماتعرفين شي والله ماتعرفين
جواد غربال: الاربعاء نمر الكم
جواد غربال : هواي حجي عندي كلش هواي
قريت ومرديت خليت ايدي على كلبي تنفست بقوه وصوته الهادئ يتكرر بأذني وياكل كلبي اكل
نمت واني اقرا الرسائل عدتهم الف مره ومره ورجعت كلامه وصوته بعقلي موتني
"احبچ اسرار" لاتلوميني كلبي من ضاگ صوتچ ضاعت علومه"
على رنا صوته وبحة صوته استسلمت للنوم ..
واني نايمه ونومة الظهر عباره عن احلام تافهه اله هالمره نمت نومة عميقه بدون اي شي
اول مفتحت عيني رحت ع الڤايبر شفت اخر ظهور وشفت صورته الشخصيه مخلي صورة طفله تجنن عيونها ملونه وشكره
عفت الجهاز ورتبت شعري
عدلت ملابسي ونزلت
بنزلتي سمعت اهلي يحجون بالمطبخ وجابو طاري جواد احس كُلي صرت يمهم ...
