#عشك الملا ١٤
#عشك_الملا (غربال)
لاتنسون التصويت ♥
ورده الشيخ محمد
ــــــــــــــــ
رديت للبيت وانا احس البيت وحشه, مرات من يجي خطار للبيت لو يومين يبقى تحس مكانه يفرغ من يرد البيته
صدك لو كالو الخطار نعمه وخير للبيت
اخذت الصونده وجان الصبح وذيج الشمس الي تخبل
خذتها وكمت ارش الزرع وغسلت وجهي وكعدت وانا اباوع
احس ناقصني شي
وَلو انا اعرف شناقصني
اجت الحجيه
ـ صبحك الله بالخير والعافيه يمه
اندرت ليها
ـ هلا بهالطول هلا بوجه الخير والعافيه صباحج بركه
ـ يمه تعال الحكني للغرفه اريدنك بجلمتين
ـ يلا جاي
دخلت ورحت انه وراها دخلت وسدت باب الغرفه وانطتني وصله خضره ملفوفه على علاكه
ـ هاي شني اشم ريحة فلوس
ـ يمه ذن فليساتك وخذتلك خيره الفير (الفجر) وطلعت كلها خير ورزق وبركه يمه
ـ الحمدالله يالله هسه رايح لـ بو الهوث وبدربنه نروح للمحكمه نسجل يمهم عبن ملكنه يصير
ـ يلا توكل على الله وربك يسهل كل عصيب
رحت بست ايدها :- حجيه
ـ ها
ـ جوعان
ـ اوكف جا انا ضامتلك هاذ خذ واكل
راحت الكنتورها وفاحت ريحة المسج (المسك) انه اسميها ريحة العجايز ريحه مميزه وحلوه تنطي دفو بالريه للي يشمها
طلعت بسكت جان اسمه بسكت ابو الولد
ـ الله والله جوعان
ـ اكله كله هو انه ضامته الك يحرسك الله واهل بيته. يمه ليدي الله ينور طريقك ودربك ويجفيك شر بني ادام
تعودت على دعائها :- ابوسه الكلبج وحجاياتج بعد روحي
خذت البست وبسرعه دخلت سبحت ركض وطلعت كبل انا ومبلل البيت ابو الهوث صحتله مثل كل مره
ـ ابوووو الهووووووث خااااااالي
ونفس عادته :- هااااا جيييت انا كاعددد
نزل يركض وبيده علاكه
ـ اكلك قبل كلشي خل نحسب فلوسنه
ـ اي شكد ثولان جا احنه رايحين هناك عمياوي امشي وياي للبيت
دخلت للبيت وطلع فلوسه وحطهن على فلوسي خير من الله واكثر من سعر المحل
جت خالته يطلع عمرها بالاربعين :- صبحكم الله بالخي وليداتي
