البارت٦٤
#عشك_الملا_غربال_ج٢
لاتنسون التصويت ومتابعة الحساب والتعليق على كل فقرة 💙
ورده الشيخ محمد
_________________
اصعب المشاعر عندما تتناقض في مشاعرك لاتعرف اي وجهة تذهب ..
هيثم :- شلون يعني ؟ ملا انتَ اخر مره سولفلي بهالموضوع كلت فلانه سببت هالمشكلة
ذبيت نفس بحيره
الملا :- اي بس اجت هواي فرص تنقذها من المكان الي هي بي بس حلاوه تجاهلت وغلست اريد اسمع القصه منها فقط
هيثم :- وشنو ناوي ؟ اعرف قراراتك مدروسه وماتحب تسيء الاحد شراح تسوي ؟
الملا :- ان شاءالله فد جم يوم واروح البيتهم اكعد احجي وياها وافتهم منها كلشي ، واريدها تحجيلي كلشي مرت بي بذيج الفترة
هيثم :- انه احسها تغيرت مادري ليش
الملا :- انه بارد هيثم ، بارد بسبب التراكمات لو بسبب گلـــبـي هواي انجرح واتأذه ماادري !
هيثم :- ملا رغم انتَ مكانتك ورجل اعمال وحياتك مثالية بالنسبة للمايعرفك والمايعرفك يتهمك ويظن بيك بس انتَ رغم كل هذا بقيت انسان نزيه ونظيف حتى الاساءة ماتردها ورغم هي جرحتك بس بقيت تساعدها وتساعد اهلها
الملا :- تصدك ابو الهوث ، انه اخاف
هيثم :- من شنو ؟
الملا :- كلشي مار عليّ ، والي مر عليه اخذ شي مني ومن ࢪوحــي فماحب اعيش احد نفس ماعيشوني و الضمير من يتحكم بالانسان يعني هالانسان مايموت ف انه ماحب ااذي احد
هيثم :- الحنين حوبته جبيرة ذيج المره سمعت واحد كال والله خابص روحه ومسوي روحه ماعنده اخطاء ومتدين وين اكو هيج انسان
الملا :- المتعلم يعيش وسخ ، يستغرب من يشوف انسان نظيف
هيثم :- فد احترك گلـــبـي
ضحكت وكعدت كباله ورثت جكارة :- لا ليش
هيثم :- خط احمر انته ضلعي هههههه
الملا :- مااهتم ، ولا مره عشت حتى ارضي بشر ، ولا مره سويت شي حتى اسمع عفيه من احد اخر همي البشر ، ماانطي اهتمام
انتجيت وذبيت نفس :- انه حتى اهتمامي غالي ... انطي بس للغالي
هيثم :- اذاً حلاوه غالية
الملا :- مارخصت حتى تصير غالية ، طول عمرها غالية بعيني
هيثم :- جاي احس اكو تناقض بروحك
الملا :- كلش
هيثم :- هسه انته كلت جذب شنو هو الجذب
الملا :- شوف انه كاره ࢪوحــي كارهه بس مااظلم احد ، وكتلك انه ناوي اروح واحجي وياها ، افتهم منها كلشي وبعدين اتصرف ، واذا لزم الامر حتى اخذها المعالج نفسي
بحماس
هيثم :- ايييي مو انه هذا الملا الاعرفه
الملا :- شبيك هيثم ماعفتها قبل حتى اعوفها هسه لا هي ولا خواتها هيثم بس همه استقبلوني وحنو علي من بين الكل
