#بارت٢٨
#عشك_الملا
ورده الشيخ محمد
#غربال
من المراهقه لليوم ، بذره وبدت تنمو تنمو تنموووو الى ان صارت محتله كلبي وعقلي
ياقبلة قلبي عند اذان العشاق
ويا بسمتي حين يشتد بي البكاء
چنچ ضحكة واحد تعبان حلوه وتروي الناظر
مريتي مرور الساگي ع العطشان
رويتيني ورويتي كل جزء بيه ،،
اخذت بنتي الامها وانطلقت من العماره البغداد صار درب بغداد يوشل التعب العندي ماچنه درب اطويل ولا جنها الروحه بي تتعب لچن الدرب اليوصلك للمحبوب درب الجنة
ويگلك العاشگ مايكضه شي
وانه ماكضتني غير عيونهه
وصلت البغداد وبوجهي كبل مريت للعقارات چيكت وضع البيت خابرلي هيثم
- هاااااا ابووووو
- ها ولك شني جا ماكلت حملت وعفت الديره چا هو هيج
- بعدني بس رحت اجهز للبيت
- اكلك انه ببغداد وجاييلك
- مو كلت راح ارجع
- لا بعدها الشغله مانحلت واريد اكللك شي دام الشغله حار بحار
- خو ماكو شي
- لا بعد اخوك اطمن بس السالفه ماتطلع ماوصيك
- لاتضل تاكل تبن شهالحجي
- يلا جايك جواد
- يلا
طبيت للبيت وبديت اصبغ بالحيطان هذا شغلي واعرفه بديت اصبغ وانه سريع بالشغل بين ماوصل ابو الهوث انه مكمل غرفتين
- هاااا خاااالي حياك
- معدل وعلي خل انزع واجي اصبغ وياك واكلك ع القضى والمضى
- خيرك يخوي تراك خوفتني
- لاتخاف
طب بدل وبدينه نشتغل : شوف جواد والله محتار منين ابديلك ماكمت اعرف رجلي من ايدي
- خيرك
- انه لازم اطلع خارج هلبلد واكطع حبل الوصل بالعراق واذا ربك قاسملي ارد اردله وانه محمل شوك ولهفه لگاعه
طريت الليدي وانه انلچمممم كلبي : شجرالك هيثم شصاير
دار وجهه ومد الصبغ ع الحايط : نلزگت بتهمه لا انه بيهه ولا عليها مثل لزگة الصبغ ع الحايط
- شو منطيني گفاك وتحجي ؟
- عبن خجلان ومستحي ماكتلك وانت خياي ونفس هالروح
- شني
- ابوي طلع متورط وي وادم ماتخاف الله وانت تعرف ابوي رجال فقير بس ورطو وانه من شافو عندي خير من الله ردو علي وانه ماحجيت كلت سالفه صغيره وماتسوه تنكال بس وصلت السالفه للدم وهلدم رگبتي لو رگبة بزري
