عشك الملا غربال

البارت الاول

ارجوا التفاعل على القصه كل يوم راح انزل 4 بارتات ارجوا التفاعل ومتابعه حسابي والتصويت والتعليق بين الفقرات

#عشك_الملا_غربال_ج١
عشك_الملا ١

في صباح ممطر ورائحة المطر وهي تسقي الارض لتزهر ثماراً جديده ...

لابسه جاكيتي وگاعده اباوع للمطر وماده ايدي وقطرات المطر تبللها وتدخل من بلوزتي تقشعر جسمي بيها , اكثر شي احبه المطر يحسسني بشعور هادئ ولطيف ومنعش , رغم البعض يحس بملل وكأآبه بسبب ظلمة الجو ..

اجا صوت امي:-

- يمصكوعه سدي الشباك واني اكول هاي ليش البيت مجرش من البرد

- ماما والله باعي الجو يخبل

- لجج يووم سدي مابيه حيل اشغل الصوبه وتعال اترسها نفط عاد خليها لليل نستفاد منها

سديته. وبقيت البرده مفتوحه لان الكهربا۽ طافيه والبيت اظلم,

اجه صوت اختي وهي تركض ع الدرج

- ماماااا مشتهيه لبلبي فدوه سويلنا ووياه رارنج

- مسويه ماما لاتركضين ليش تشلعين كلبي موزين عليج

رحتلها وكرصتها صرخت :- اووووي اسرارررر شبيج وجعتيني

- لاتركضين والله اكول الابويه عليج حيوانه

غمضت عيونها وعبست

-مو جعت هفف ماما صبيلي

- كومي صبيلها سراوي وحطي الجاي ع النار هسه ابوج يرجع من الدوام وبردان ع الاقل يدفي كلبه بهالبرد

- تمام ماما بس هااا بشرط تقنعي ياخذنا للمدينه

- ولج يوم يامدينه بهالبرد

- ماما فدوه الكلبج الجو يخبل ومال واحد يطلع سفرات خلينا نتونس قبل منسافر

- اهووووو دحمي موتيني يجي ابوج واشوف شيكول لاتلحين وتنگين فوك راسي ترا والله مااحجيله

ركضتلها صاحت بيه :- ولللج لستكااااين

وماشوف بنفسي غير فتت بالصينيه

- خرررب غيرتج سررريوه كسرتيهن اليوم انعل والديج كلشي ولا ماعيني طايحة الحظ ياثوله بت الثوله

وضلت تسطرهن عليه هيج منج وهيج من اهلج. سبتني وسبت تربيتي ع مود المواعين نقطة ضعفها كلشي ولا تجيسهن

- ولج لحكي ع نفسج هههه

- يايمممه

- شصااااار ولجن ظلمه لاتجفصن ببطنا

- ههههههههههه تعالي سالللي لحكييينيييي

رحت ركضت وره نور اختي الجبيره معلمه,

- ولجججن كزاز لايفوت برجليجن

- نور امي لو اجت الكهربا۽ تلعن جدي بكبره وتحركه حرك لان شفت الاستكانه صارت تمن