تذكير:
تطلع من غرفتها تمشي ناحية الدرج تريد تنزل تتكلم وية نفسها (نور كافي اتحملي عيب تنزلين و تروحين تاكلين بعدچ اول یوم هنا ياخذون عنچ فکرة غلط) ترید ترجع لغرفتها تحچي وية نفسها
(ترى بيت ابوية شبيچ نور على شنو مستحية انزلي و خلي يفكرون الي يفكروا) تستدير بسرعة تريد تنزل من الدرج تصطدم ببنت چانت تركض على الدرج کانت راح توقع تمسكها البنت من خصرها قبل لا توصل الارض
سرور: بسم الله عليچ
ترفعها تباوع نور بوجه البنت تشدها الملامح الحادة و الابتسامة اللطيفة تبتسم نور تلقائياً
سرور: انتِ زينة اتآذيتي؟
نور: لا لا ما تأذيت
سرور: انة اسفة ما شفتچ
نور: ما صار شيء
سرور(تباوع لنور بتفحص): انتِ بنت عبير؟
نور: اي نعم
سرور(تبتسم): يا اهلاً وسهلاً والله نورت الديرة تعرفين شكثر چنت متشوقة اشوفچ
نور: لیش
سرور: ما أعرف بس على حماس عبير و شوقها الچ انة تحمست وطلعتي وايد حلوة مثل ما وصفتچ ما شاء الله عليچ
نور(تخجل من کلام سرور تنزل راسها ترفعه): منو انتِ مااتذكر شفتچ جوی من التقیت بالکل؟
سرور: انة سرور البنت العودة لعمچ فیصل
نور: اي صحيح ابوچ گال انو انتِ هسة بالدوام
سرور: صحيح هاي وصلتي... اعذريني ابي اشوف عبير
تمشي سرور لغرفة عبير و تترك نور واقفة تباوع عليها وهي تبتعد تحط ايدها على رقبتها تتكلم مع نفسها(شنو هل جمال ياربي)
ترجع لغرفتها وهي مبتسمة على الي صار من شوي تفتح موبايلها الجديد الي عبير اعطته الها تنقل رقم اهلها تريد تتصل عليهم تتردد تنقل رقم سارة تتصل عليها يبقى يرن و ما تجاوب اخر رنة تجاوب سارة
سارة: الو
نور: وینچ صار ساعة ادگ
سارة: وچ رقم غریب گلت ما اجاوب الا اخر شيء انتبهت مكتوب الكويت... اشونچ حبیبتي احوالچ شوکت وصلتوا
نور: یعني قبل ساعتين هيچ
سارة: اتعرفتي على اقاربچ
نور: اي تعرفت فيلق كامل ما شاء الله كومة و كلهم ببيت واحد
(كومة=اهواي=كثيرين)
سارة: شنو بيت واحد؟
نور: وچ اي والله خلي احچیلچ (تبدأ تحچیلها علی عمامها والبیت وکلام امها و الاسهم) وهاي كل شيء صار من وكت ما دخلت الكويت لحد هسة
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
