تذكير:
ينفتح باب الغرفة تدخل نور تسد مريم الموبايل
مريم: هلا حبيبتي
نور(تباوع على موبايل مريم الي خلته على الطاولة): هلا بيچ ...چنتي تحچین ویة احد
مريم: اي صديقتي تعبانة بروحلها
نور: ليش شبيها
مريم: تبي رعاية خاصة ومااگدر اترکها بحالها اهلها مسافرین
نور: یلا نروحلها اني وياچ ماعندي شيء اليوم عطلة وگاعده بالبیت
مریم: نسیتي انو باچر دوامچ وانة رسلت لكم مصادر علشان البحث لازم تبلشين تكتبين منهن لأن بسألكم عنهن فهمتي علي؟
نور: بس يا مريم
مريم: يلا نور انة رايحه
تطلع مريم من الغرفة تسد الباب تگعد نور علی السریر تتنهد تباوع علی الطاولة تشوف موبايل مريم نسته على الطاولة
**************؛
تمشي سرور بوسط ركام الفيلا الي الحريق ما مبقي بيها شيء تقلب بالغراض تباوع على الجدران تسمع صوت شخص اجى برا يدخل للفيلا تشوف عبير اجت تتكلم وهي مستغربة وجود سرور
عبير: سرور؟!
سرور(تبتسم لعبير): الحمدلله على السلامة
عبير: الله يسلمچ.. شيابچ هني
سرور: حبيت اشوف الوضع
تهز عبير براسها بمعنى تمام
سرور: واید زين انكم كنتم بالشاليه والا لا سامح الله ما ابي اتخيل کان شنو صار
عبير: الي حرگها چان یعرف انها فاضيه
سرور: حرگها؟...الي سمعته تماس كهربائي
عبیر: هه.. اي هو قصدت التماس كهربائي (تتقدم على سرور توگف مقابیلها) انة اشكرچ واید.. نور گالت انچ اتصلتي عليها وطلعتن من هني لولاچ کان لا سامح الله بنتي الحين..(تسكت تبتسملها سرور تتكلم)
سرور: مافي داعي تشكريني ما ساويت شي
تباوع عبير على الفيلا والدمار الي هي بي تتكلم
عبير: خلينا نطلع احس اختنگت
سرور: يلا
يمشن يطلعن للحديقة الي ما وصلها الحريق يگعدن علی الطاولة
عبير(تباوع على الفيلا وشكلها متضايقه): هل مکان گضیت فیه احلا ایام حیاتي
سرور: لاتزعلين بيرجع احسن من اول
عبير: يبيله بالميت شهرين
سرور: وين بتبقون هل وقت
عبير: نوال تگول ابقوا عندي بس حنا عدنا بيوت وايد بنروح لواحد فيهن
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
