مريم: انة بنت خالتچ نوال
نور(ترفع حواجبها بصدمة): انتِ؟
مریم: اي انة... خالتي عبير گالت لي انچ یایة اليوم ورسلت لي صورتچ وگالت اي شيء تبينه او تحتاجينه هني تيين عليّ وانة ما راح اقصر معاچ
نور: لا انتِ ما قصرتي وياي من الصبح سويتي واجبچ وزیادة
مريم(تبتسم تنزل راسها ترفعه): ما چنت ادري انچ نور
نور: ما صار شيء عيني .. و على العموم تشرفت بمعرفچ اعذريني لازم اروح
مريم: اذنچ معاچ
تگوم نور تبقی واگفة بمكانها ما تتحرك
مريم: فيچ شي؟
نور: احس الگاع تهتز
مريم: مافي هزة احتمال دختي
تمشي نور خطوة تحس الدوخة زادت تمسك الجدار توگع علی الارض یغمی عليها تركض عليها مريم
***************؛
في الفيلا سرور واقفة مع امها سهام و كوثر و العنود في المطبخ
سهام: انة اگول الملچة تصير هني احسن
كوثر: البنت رفيجاتها وايد ولازم نحسب حساب الي يبون ييون من طرف المعرس
سهام: صدگیني بيكفي المكان وزايد خلي الملچة هني مثل عاداتنا القديمة لاقاعة ولا هل دوخة كلها
العنود: سهام عدها حق و الحنة والعرس بنسويهن بقاعة بس الملچة بالبيت و اهو واسع مثل ما تشوفين
كوثر(تنتبه لسرور كأنها مو معاهن): الا ما سمعنا رايچ یا سرور چنج بالچ شارد بمکان ثاني
سرور: لا بس اشوي تعبانة من الشغل ... بس اذا تبن رأيي انة اگول ساون الي تبيه العروس بالاول وبالاخير هذي ملچتها(تريد تكمل كلامها تدخل عبير للمطبخ تعمل نفسها ما شايفتها)
عبير: السلام عليكم (تروح للبراد تاخذ ماي حتى تشرب)
ترد عليها العنود و كوثر : وعليكم السلام
سرور(ما تهتملها): خلي كل شي يكون على ذوقها و اختيارها
تنتبه سهام ان سرور ما اهتمت لوجود عبير يلمعن عيونها من الفرحة
سهام(بصوت ما تسمعه الا سرور): شصاير؟
سرور(تباوع على سهام تسمع صوت موبايل عبير يدگ): مو صایر شي
سهام: تعلميني فيچ؟؟ چانت لا جت تهللین وتمرحبین شفیچ شصایر بینچن؟
سرور: یما اگولچ ما(يقاطعها صوت عبير)
عبیر: شنو؟.. اهي بخير؟؟ اي مستشفى؟؟
سرور(تمشي بسرعة على عبير): شصاير
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
