تذكير:
مریم: شفیچ يا نور مانچ شایفتني بتكلم معاچ
نور: گلتلچ روحي من وجهي شنو انتِ ما تفهمین؟!
مريم: نور شفيچ یاعمري معقولة السكر خلاچ تصیرین چذي(تتقرب عليها تخلي ايدها على كتف نور تدفع ایدها)
نور(تعیط عليها): وخري من وجهي گلت ابعدي عني لاتلمسيني مااريد اشوفچ بعد اليوم اطلعي من حياتي ارجعي مثل ما چنتي غريبة
مريم: طيب اهدي انتِ تعبانة لاتوگعین مرة ثانية(تحط ايدها على ايد نور تسحب نور ايدها)
نور: گلتلچ لاتلمسیني ما تفهمين؟ شنو انتِ بلا عقل؟
تمشي وتعوف مريم توگف تکسي وتصعد بيها
***********؛
بعد 50 يوم
نور بعد الي صار مع مريم ما تكلمت معاها ابداً وبعدها اجت امتحانات الفاينل للكورس الاول كانت تلمح مريم مرات توقف باللجنة او تشوفها تمشي بالممر لكن كانت ما تعيرها اهتمام وبعد ما خلصت امتحانات الفاينل للكورس الأول سافرت للعراق حتى تساعد سارة بتجهيزات خطبتها الیوم هو الیوم الي حترجع نور بي للكويت بعد ما انتهت حفلة الخطبة وخصوصاً انو دراستها صارلها اكثر من اسبوعين مبلشة ...تنزل من الطيارة توگف بالمطار اشوي تاخذ جنطتها تطلع تشوف السايق ينتظرها تروح لعنده تسلم عليه وتصعد السيارة تروح للفيلا تشوف امها ما موجودة تروح لغرفتها وتنام
***********؛
بالشركة
عبير گاعدة على المكتب دا تنقل بيانات من الابتوب للورقة گدامها وهي دا كتبت تسمع صوت ضجة برا المكتب تتجاهلها وتستمر بالكتابة تنتبه انها نقلت خطأ تسحب الورقة تشقها وترمیها بسلة النفايات تكتب من جديد تسمع صوت الضجة صار اعلی أكثر تحاول تتجاهله تكمل كتابة تنتبه على خطأ ثاني نقلته تسحب الورقة تشقها وترميها تبعد المناظر عن عيونها تفركهن تسمع صوت الضجة
عبير: اووو شفيهم ذول(توگف تمشي تطلع من المكتب تتكلم بعصبية) شهل ازعاجات وين گاعدین بالشارع؟(الکل یسکتون تنتبه انهم مجتمعین علی احد تشوف منو ترکز زین تفتح عیونها بصدمة) سرور (تتقدم عليها توگف تباوع علیها و الفرحة مو واسعتها تتكلم وعيونها تلمع) انة وايد فرحانة اني شفتچ بعد هل مدة اشون صرتي
سرور: الحمدلله ... ممكن اتكلم معاچ لحالنة
عبير: اكيد تفضلي (تباوع على الموظفين) لو سمحتوا ارجعوا لعملكم
يتحمدون لسرور بالسلامة وكل شخص يرجع لمكتبه تمشي عبير و سرور تروح لمكتبها تدخل عبير وتدخل بعدها سرور تسد عبير الباب تمشي بسرعة على سرور وتحضنها تتفاجئ سرور من تصرف عبير تبقى واگفة متجمدة مكانها تبتعد عنها عبير تباوع بعيون سرور تحط ايدها على خد سرور
أنت تقرأ
المتاهة
Romansa(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
