تذكير:
تنقلب عبیر على ظهرها تباوع على السگف تتکلم
عبیر: الله یگومچ بالسلامة يا سرور والله اشتگت لشوفتچ
یدگ الباب
عبیر: ادخل
تدخل نور
نور: ما تريدين نطلع
عبير: مافيني حيل نور ابي انام
نور(تتكلم كويتي): ما تبين تشوفين سرور انة گلت بگولچ وانتِ كيفچ عاد
عبیر(تگعد علی السریر): کیف اشوفها
نور(تحط ايدها على صدرها): خلي هل شيء على نور الباتمانة يلا مشينا
تسحب ايد امها وتگومها
**************؛
واگفات بالمستشفی بنهاية الممر تمد نور راسها تباوع على غرفة سرور تشوف واگفین ثنین حراس علیها ترجع تباوع علی مریم الي واگفة بجنبها تمد ايدها على الكيس الي حاملته مريم تاخذ قنينتين صغار تحط وحدة بجيب الچاکیت اليمنة ووحدة بجيبها اليسرة
نور: سألتي ابو الصيدلية اذا مفعولهن قوي
مريم: انتِ ناسية انة دكتورة
نور: كل سالفة والثانية تگولین هل سالفة افتهمنا انتِ زر...(تسكت تباوع على امها ترجع نظرها لمريم الي چان وجها ما يتفسر شکلها ترید تلزم نور وتخنگها بس الي مصبرها وجود عبير تتجاهل هل شيء تنزل راسها على الارض تتكلم) ماما اوگفي بالحمام وية مريم آأمن اني من اگوللچن تعالي تجين بسرعة وتدخلين غرفتها
عبير: شبتسوين يعني شنو هل غراض الي حطيتيهن بچاکیتچ
نور: ولا شيء ماما اعتمدي علية... يلا مريم روحوا هناك
عبير: حبيبتي نور انة ماني مطمنة گولیلي على الاقل شبتسوين
نور: يلا يلا روحوا
تباوع عليها عبير بنفاذ صبر تتكلم مريم
مريم: يلا خالتي خلينا نشوف شيطلع معاها
تمشي عبير ومريم يدخلن الحمام تحط نور السماعة بأذنها تفتح اتصال وية مريم تتقدم على الحراس تباوع عليهم يبادلونها النظرة تبتسملهم يبتسمولها
نور: هلاو
يرد عليها واحد من الحراس
الحارس: هلا
نور: گالولي روحي علی صيدلية المستشفى تلگین بیها فیتامینات شو طلعوا شامريهن هيچ بالممرات
يبتسمولها يتقدمون عليها
مريم(تتکلم بالسماعة والاتصال مفتوح بينهن): هذي هي خطتچ؟
نور (تنزل راسها تتكلم بصوت ناصي): انچبي انتِ(ترفع راسها تباوع عليهم) شسم الحلوين
الحارس: انة ناصر وهذا فهد .. لهجتچ غریبة تبينين مو من الدیرة
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
