تذكير:
نوال: طالعي فاتن من المسبح
مريم: بس شكلها مستانسه
نوال: بگولچ طالعيها مااگدر اقرب من المسبح
مريم: امرچ یما
تباوع علیهم نور بأستغراب تحچي وية نفسها(هاي العائلة كلها شاخطه) تمد مريم ايدها لفاتن تمسك فاتن ايد مريم تسحبها اطلعها من المسبح
نوال: نور حبيبتي لاتحاولين تسوين چذي مرة ثانية
نور: خالة اني..(تقاطعها)
نوال: ادري نيتچ مو عاطله بس ساوي مثل ما گلتلچ(تباوع على فاتن ) تعالي انشفچ
تروح نوال وفاتن تبقى نور واقفة تباوع عليها مريم تتكلم
مريم: امي عدها اشوي(تقاطعها نور)
نور: ماکو داعي تبررين كلكم عائلة توكسك
تروح وتعوف مريم واگفة تباوع عليها
**************؛
عبير واگفة بالغرفة و نوال ماسكه المنشفة وتنشف شعر فاتن وتتكلم
نوال: الله وكيلچ گطتها بالمسبح بلا سبب چذي فجأة
فاتن: يما نور چانت اتغشمر
نوال: والغشمرة چذي؟؟.. الحين لو متي شچان صار
عبير: نوال خلاص حبيبتي لاتبالغين شوفيها گدامچ ما فیها الا العافیة البنات يحبن يتغشمرن بين بعضهن ..ما تعرفين سوالف البنات
نوال:انتِ ما شفتي الماي
عبير: نوال
نوال: مليان ماي المسبح المسبح المسبح
تتقدم عليها عبير تمسك ايديها
عبير: فاتن طلعي حبيبتي
تطلع فاتن من الغرفة تتكلم عبير
عبير: ناظريني نوال بكلمچ ناظريني (ترفع صوتها) نوال(تنتبه عليها نوال تتكلم بصوت هادي) خلاص اهدي انتِ هني مافي ماي شوفي حنا سوى والبنات بخير والكل فرحانين خلاص(تحضنها اطبطب على ضهرها تبتعد تحط ايدها على وجها) هديتي حبيبتي خلاص تعالي تمددي و ارتاحي اشوي
تخليها تتمدد تغطيها تغمض عيونها تطلع عبير من الغرفة تروح للحفلة
***********؛
تطلع سرور من الغرفة ما تشوف عبير تنزل جوى للحفلة تگعد علی وحدة من الطاولات تجي عليها نور تسلم علیها وتگعد یمها
نور: شوكت اجيتي
سرور: قبل اشوي
نور: شنو رأيچ بالاجواء
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
