تذكير:
يمشي ويطلع من الغرفة يسد الباب يباوع على نوال الواگفه بعید يمشي عليها يوصلها
ابو مريم: شصاير
نوال: ماأدري فجأة صارت چذي
ابو مريم: نوال البنت بعمرها ما صايرة چذي گولیلي شصاير فيها لاتگصين عليّ
نوال: والله مافيها شي هي فجأة سمعتها تصارخ وركضت للغرفة شفتها بهل حالة
ابو مريم: عيل ليش چانت تصارخ علیچ
نوال: ماادري.. وقسم ماأدري
ابو مريم: يصير خير من ارجع من الدوام
يمشي ويعوفها
************؛
************؛
قبل سنة
تطلع مريم من غرفة العمليات تخلع الكفوف والكمامة ترميهن بسلة المهملات تغسل ايديها تمشي لأهل المريض
مريم: السلام عليكم
*****: وعلیکم السلام طمنينا يا دكتورة
مريم: تطمنوا العملية نجحت والمريض بخير
يفرح اهل المريض يتشكرون من مريم ومن جهودها تمشي من عندهم تروح بممر المستشفى تشوف د. بدر مدير المستشفى تسلم عليه
بدر: اهنيچ علی نجاح العملیة د. مريم
مريم: الله يسلمك دكتور
بدر: ان تميتي چذي بتصيرين مشهورة على مستوى الديرة
مريم: نگول ان شاء الله (تباوع بالممر تشوف الممرضة حنان تدخل احد الغرف تتكلم) اعتذر دكتور تذكرت لازم اطمن على احد المرضى لازم اروح
بدر: شوفي شغلچ دكتورة
تمشي مريم توصل الغرفة تفتح الباب تشوف حنان تغير محلول المريض النايم تتقدم بهدوء تاخذ الملف وتقرئه تطلع من الغرفة تطلع بعدها حنان
حنان: شلون وضعه دكتورة
مريم: والله يا حضرة الممرضة يده تحتاج بتر
حنان(تنصدم تخلي ايدها على فمها): معقولة مافي غير طريقة
مريم: ما في... لازم يتم هل شيء وبأسرع وقت حتى ما ينتشر التلف باقي الجسم.. اففف(تفرك عيونها)
حنان: شفيچ(تخلي ايدها على كتف مريم)
مريم: تعبت توني طلعت من العمليات
أنت تقرأ
المتاهة
Romansa(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
