تذكير:
تدخل نور بوابة الفيلا مع مريم يمشن حتى يوصلن البوابة الدخلية
نور: ما چان اکو داعي توصليني بس شكراً الچ
مریم:...
نور: تری دا اشکرچ
مریم: اني ادري مو من گلبچ مافي داعي ارد
تفتح البوابة الدخلية تريد تدخل للصالة تتكلم وهي تباوع على مريم
نور: هو اصلاً مو صوچچ صوچي اني...(تدخل ادير راسها تشوف فيصل حامل العكازة وحاطها على راس امها الى واقعة على الأرض)
فيصل: مشروع الشراكة من باچر ینلغي وغير هل كلام بذبحچ بأيدي
توگف مريم و نور مصدومات من هل منظر تتكلم نور بصوت ناصي
نور: ماما (تصرخ) ماماااا
ينتبه الها الكل يتكلم فيصل
فيصل: تعالي يانور تعالي شوفي امچ شساوت نزلت راسنا الله ینزل راسها انة متأكد بتخجلين من الي ساوته ما تستاهل بنت مثلچ
تتقدم نور علیه ترمي جنطتها على الأرض توصل لعنده تاخذ العكازة الي حاطها على راس عبير تاخذها من ايده ترميها تتكلم
نور: اذا تحاول ترفعها على امي مرة ثانية اگلب الکویت علی راسك
ينصدم الكل من كلام نور يتكلم عبدالله
عبدالله: يا بنت تحچي عدل
نور: لاتگول یا بنت
مريم(ماسكة عبير): انتِ زينة خالتي فيچ شي؟
تگعد عبير
عبير: زينة زينة مافيني شي
جاسم: انتِ ما تعرفين هي شعاملة وجاية ادافعين عليها
نور: مهما كان الي سوته محد اله الحق انه يضربها(تباوع بعيون فيصل) كائن من يكون
سهام: امچ تحب و اتمعشگ و اهي بهل عمر وفوگاها حنا نطلع غلطانين اذا حاحفظنا على شرف العائلة
تباوع نور على عبير وهي رافعة حواجبها بصدمة
نور: تحب؟
يتقدم فيصل ويحط اديه على اكتاف نور
فيصل: تقبلين هل كلام يا نور راضية ان امچ تساوي هل شي؟
تباوع نور على عبير الي خدودها مليانات دموع ترجع نظرها لفيصل
فيصل: گولي يانور تحچي
نور(تبعد ادين فيصل عنها): اني مالي الحق انو ارضى او ارفض هذا و اني بنتها مو عاد انتوا (تباوع عليهم كلهم) كلكم ناس غربة بالنسبة الها كلكم چنتوا اقاربها من ناحیة زوجها الله يرحمه وهسة محد اله حق عليها (تباوع على فيصل) وبالاخص انتَ
أنت تقرأ
المتاهة
Storie d'amore(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
