تذكير:
فيلا فيصل
تدخل لغرفة المكتب الي بالفيلا تمشي بسرعة للمكتب تقلب بالاوراق والملفات الموجودة عليه كلها اوراق عادية بخصوص الشركة تفتح الادراج تقلب بالملفات تشوفهن عاديات تروح على اخر درج تفتحه ادور بي ما تلگی شيء توگف تمسح وجها تضرب راسها تتكلم
سرور: فكري سرور فكريي وين بيكون حاطهن
تباوع بعيد تشوف فتحة صغيرة على سطح المكتب تحط ايدها عليها تحاول تحركها فوگ یمنة يسرة ما تتحرك تضغط عليها تسمع صوت شيء انفتح تباوع جوى تشوف باب صغير طلع تسحبه تشوف ملفات تاخذهن بسرعة تقلب بيهن اطلع موبايلها تصور كل شيء ترجعهن بمكانهن تسد الباب الصغير ترجع كل شي بالمكتب مثل ما كان تفتح الباب تريد تطلع برا المكتب تشوف ابوها اجى من نهاية الممر ترجع وتسد الباب بسرعة تسمع صوت خطوات ابوها تقرب راح يفتح الباب توگف وری الباب تفکر مع نفسها
سرور: بیشوفني الحين ويبلش يسألني شساوي هني اكيد بيبلش يشك فيني... شساوي شساوي
تشوف مقبض الباب انفتح
يدخل فيصل للمكتب يسد الباب يمشي يفتح الدرج السري ياخذ الملف يشوف الأوراق يرن موبايله
فيصل: الو..معاي الحين... اي لا تحاتي... الليلة...الله معاك
يسد الاتصال ياخذ الأوراق يطلع من المكتب سرور واقفة ورى باب الحمام الي بالمكتب سمعت المكالمة وبعدها صوت فتح الباب وسده تطلع من الحمام تروح على باب المكتب تفتحه تباوع بالممر ماكو احد تطلع بسرعة وتسد الباب تمشي للصالة تروح على سيارتها ترفع موبايلها تتصل على مريم تجاوبها
مريم: الو
سرور: خليني اتواصل معاهم تحت ايدي معلومات مهمة
مريم: شصاير
سرور: بگولچ.. بس دبریلي موعد معاهم
مريم: طيب
تسد الموبايل تتكلم نور الي گاعده جنب مریم بالمطعم
نور: منو اتصل؟
مريم: رفیجتي الحين برجع
تگوم من مکانها تروح تتصل تباوع علیها نور وهي دا تبتعد ترجع نظرها لفاتن وفادي گدامها
فاتن: وايد لذيذ
نور: بالعافية حبيبتي
فاتن: شدعوة انتِ الي طابخته؟
نور: والله مو وجه مجاملة.. اكلي عابت هل وجه
فادي(يضحك يباوع على فاتن): وقسم تستاهلين
فاتن كأنها ما تسمعهم حاطة لقمة كبيرة بفمها ومستمرة بالأكل
يرن موبايل نور تباوع على المتصل تشوفه سارة تاخذ الموبايل وتگوم تروح للحمامات
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
