تذكير:
تنزل عبير و مريم من الدرج يوصلن الصالة بالطابق الاول يشوفنهم مجتمعين ما يعيرنهم اهتمام و يكملن طريقهم تتكلم مريم
مريم: هذيچ نور بالحديقة خالتي
عبير: اشوة
تريد تكمل طريقها يمسكها فيصل من ذراعها
عبير: شتبي بعد يدك
فيصل: بتشوفين بنتچ الي گاعدة مستانسة هناك باخذ روحها گدام عینچ ان ما مشیتي عدل معانا
مريم: بعد يدك عنها احسنلك
فيصل(يباوع على مريم الي نظرتها ثابتة ما تحركت يترك يد عبير يتكلم): ان شاء الله تكونين عگلتي
مريم: امشي خالتي لاتردين عليه
يمشن هن الإثنين يروحن الحديقة و عبير عيونها مليانة خوف على نور تباوع عليها هي ودا تخابر تتقدم عليها
سارة: وهذا الخبل الي خطبچ ایجوز طالع على ابو الگواد
نور(تضحك): والله عاد ما ادري
سارة: سوي مثل ما گالتلچ هاي الخبلة مريم هل مرة عدها حق
نور(تشوف امها و مريم طلعن): هو هم هيچ اگولچ يلا احنا حنروح لبيت خالتي
سارة: يلا حبيبتي اخذي راحتچ
مریم: خالتي لاتشيلين كلامه ببالچ تراه واحد جبان
عبیر: اجت نور علینا لا اتحچین بهل موضوع گدامها
مریم: تمام
تجي نور
نور: يلا مشينا
تصعد مريم سيارتها و عبير بجنبها و نور ورى يوصلون لبيت نوال تنزل نور تباوع عليه من الخارج تشوفه مو كبير مثل فيلتهم مجرد بيت عادي تدخل مريم
مريم: حياچ خالتي
تدخل مريم البيت و بعدها عبير و نور تدخل عبير البيت ونور تبقی تباوع على الحديقة ومنظر الورود
مريم: تفضلي بنت خالتي
نور: شهل لطافة
تبتسم مريم تدخل نور البيت
مريم: تفضلوا في الصالة... يمااا تعالي اجت خالتي
تنزل نوال من الدرج
نوال: هلا حبيبتي هلا بنظر عيني
تباوس عبير ونور تگعد معاهن بعد شوي تمسك عبير من ايدها
نوال: حبيبتي نور عن اذنچ انتِ مو غریبة باخذ امچ معاي
نور: اخذي راحتچ عیني خالة
تروح نوال وعبير يدخلن لغرفة نوال تباوع نور على مريم تنزل راسها
نور: لعد وين باقي العائلة
أنت تقرأ
المتاهة
Romance(القصة باللهجة العامية العراقية والكويتية) تتحدث القصة عن فتاة اُخذت بزمن الحرب الامريكية العراقية من الكويت الى العراق والان وبعد 22 عاماً يجب عليها ان تعود الى الكويت فتواجه التحديات والحب الجديد الذي يغزو حياتها
