بستان الضلمات

البارت 3

#بستان الضلمات للكاتبه زهراء

إنها أيام سيئه ، يجب أن أقف ضدها بقوه
"" "" "" "" "" "" "" "" "" "" "" "" "" "" "

عابدين: خرب انه شسويت ليش صوبت البنيه هسه يجي اخوي خليني اخابر زيد بلكت يجي يساعدني

الو الو زيد تعال بسرعه للبستان تعال بعدين تعرف

مروه: متت من الوجع طلقه برجلي وماكدر اتحرك لو اصرخ لان هددني اذا اطلع صوت يكتلني خلاص كتمت صوتي شوي واجه زيد

زيد: ولك عابدين هاي منو صوبهه اكيد الشيخ ههههه خرب خطيه كسرت خاطري

عابدين: ولك مو شيخ انه صوبتهه هسه لازم ناخذهه للمستشفى

زيد: لاتصير اثول ترا راح يعرفون وتجي الشرطه هسه احنه نلكه حل ونطلع الطلقه

باوعت بخوف وبالكوه كاتمه الوجع..

عابدين:: زيد ابقه يمهه هسه اجي

زيد: تمام تمام روح انه ابقه يمهه..

تدرين عابدين طلع وشيخ ماكو بس انه وياج وانِت مصاوبه هسه راح اكطع رجلج واعذبج

فتحت عيني بصدمه لا لا ليش تسوي هيج حباب الله يخليك ولله اخاف

ضحك بستهزاء اششش هسه يله جيبي رجلج هسه خليني اكطعهه بالمنشار

باوعت بخوف والوجع موتني وبالكوه الكلمه تطلع مني بس اريد الهي بشي ويعوفني بحالي
حجيت ليش اليكطع بمنشار..

هههههه ضحك وكال ايي انه بكلشي اكطع واحب اعذب

شوي واجه عابدين ويا واحد والي يعرفته هذا دكتور وهم صديقهم اجه طلع الطلقه وشاطت روحي وضمدهه وطلع وبقه عابدين و زيد راح ويه الدكتور

عابدين: اذا يجي الشيخ و تحجين راح اموتج وادفنج مكانج افتهمتي

باوعت بحقد وحجيت تمام راح اكله دخل عود يابس برجلي وجماعتك ضمدوني

يي عفيه هيج اريدج وحده ذكيه

هزيت ايدي وطلع وبقيت وحدي خايفه وهمزين العلاج يمي وفراش بس اكل ماكو وجعت كلش. نمت جوعانه والوجع مو طبيعي قريت ادعيه و بالكوه غفيت .

........

ساره: كاعده وحدي بغرفتي وامي بس تتامر وانه مالي خلك وبالي يم مروه بله فهدان ولد ويدبر روحه بس مروه بنيه وماتكدر تسوي شي

امي: دكومي نضفي عليمن تبجين هي وحده دايحه وشافت محد الهه وكالت خليني اشرد ويه صاحبي.

يمهه فدوه اروحلج لاتحجين هيج تعرفين بتربايه عمه هاشميه هي علمت مروه وفهدان على الخلاق ولا يوم نزلو راسهه من بعد ما مات عمي ربتهم وتعبت عليهم ودروسو

امي: اسكتي لج هسه راح تسوينهه عليه الام المثاليه ولج هاي حيه من جوه تريد بس الواحد يمدحهه شوي وتضل تتكبر علينه دمشي نضفي جايين خطار

فتحت عيني بصدمه يمه منو بس لا الي بالي.

يي يي خطابه.

يمه بس انه ادرس و ما يضل شي للامتحانات

ماكو تعرسين ماعندي بنيه تبقه بدون زواج..

هوه بس انه بنتج وتردين تخلصين مني هاي عمه هاشميه ما تنطي بنتهه وتريدهه تكمل دراسهه..

اشش عوفينه من هاشميه وبنتهه يله كومي شوي ويجون الناس

طلعت برا اغسل وسمعت صوت عمه هاشميه تصيح وتبجي طفرت عليهه من السياج لان ناصي وماكدر اطلع برا

وفجأه شفت ابن عمي فهدان وجهه كله دم وفاقد الوعي....

يتبع

.....

بارت قصير بس ان شاء الله البارت الي يجي راح اكتب هواي لان بي هواي احداث حلوه..