#بستان الضلمات للكاتبه زهراء
اللِيلَة كسرَوا خاطِري
وظليت ساكِت مَا حچِيت
الِليلَة مَدري شلون
مَدري ومَابِچيت .
"" "" "" "" "" "" "" "" "" "" "" "" "" "" ""
مروه:: قريت الرساله كاتب بيهه جان العقد الي بيناتنه باطل نصدمت شنوو باطل جا والسيد الي عقد النه معقوله كله جذب بس ليش سوه هيج.
اتصلت عليي ينطي رفض انه هنا فرفحت وكلش نقهرت ليش يعاملني بـ هذا السلوب يعني ما يكول هاي امها ستوها ماتت لازم اعاملهه بحنيه حتى لو ما يحبني شوي ودز رساله كاتب بعد لاتتصلين عليه ولا تراسليني كلشي انتهى بيناتنه جان ثار واخذته هسه ماعندي شي وياج بعد سلامه
فتحت عيني معقووله اخذ بثاره وهوه صوب فهدان لالا ما اصدك ولله مابيه حيل بعد....
شوي و اجو نسوان للفاتحه وانه اصلا مو يمهن لان صارت الصدمه صدمتين...
ساره::: ولج كومي النسوان اجن عيب
مروه:: انِت طلعي الهن مابيه حيل
شنوو اطلع الهن عيب زحمه صدك جذب هسه كومي
بس يسلمن عليج..
مروه:: تمام تمام راح اطلع بس اسلم و ارجع بالغرفه
طلعت انه وساره ونسوان هواي ومرت عمي علياء تباوع بحقد عبالك ماخذه ورثها سلمت على الكاعدات. وشوي رجعت للغرفه بجيت بقهر والغصه بكلبي منا فقدت امي ومنا اخوي مادري بي عايش لو ميت وشيخ صدمني بـالعقد الباطل.
...........
نرجس:: كاعدين انه وامي ومقهورين على ام فهدان برغم انه اعرفها وشايفتهه بصوره بس امي ابد ما تعرفهه ولاشايفتهه..
وبالي يم فهدان..
ام شاهر:: نرجس احنه لازم نروح للفاتحه عيب من مروه هسه تكول سمعن وما اجن.
نرجس: يي يمه يي خلينه نروح حجيت بيني وبين روحي وهم اشوف فهدان هاي احلى فرصه لان كلش مشتاقتله ومشتاقه لعيونه.
شوي واجه شاهر حتى ما سلم علينه راح كبل للغرفته انه وامي نصدمنه لان اول مره شاهر يدخل وما يسلم ومقهور حيل
ام شاهر:: خطيه شاهر يجوز ضايج على ام مروه الله يرحمها
نرجس:: يي يمه الله يرحمها فد انسانه طيبه وابد ما تحقد على البشر انه شايفتهه بصوره مروه طالعه عليهه تشبهه كلش..
انه احجي وامي تباوعلي بطرف عينها وانِت وين شايفتهه..
ها ها يمه مروه شوفتني صورتها وعرفتها..
ام شاهر:: اهاا خوش يمه يله روحي الاخوج يوصلنه البيت ام فهدان
نرجس:: تمام يمه.. رحت بغرفه شاهر وحاجيته فدوه وصلنه البيت ام فهدان نريد نسلم على مروه عيب
