#بستان الضلمات للكاتبه زهراء
مِثل ساعَة بقصِر مَهجور محَد باوَع لتَعبي .
"" "" "" "" "" "" "" "" "" "" "" "" "" "" "
دخل الشيخ وصاح نرجس تعاي بسرعه
نرجس: نصدمت وجهي صار اصفر من الخوف
شاهر: هاي البنيه صيحي الهه اجه السيد علمود نعقد وترا انه سمعت تريد تشرد موو؟
نرجس: لاخويه سامع غلط هسه اصيحهه الك ادلل
باوعلي بنظره رجفتني رحت ركض للبنيه.
تعاي اخوي يكول اجه السيد ولا زم تعقدون باوعتلي بحسره وعيونه حمر من البجي كامت وسدنت عليه كالت ماعندي خوات سند الي بس اخو اريدج تصيرين مثل اختي وما تحقدين عليه
باوعت الهه بحسره حضنتنهه وضحكت ولج انه ما احقد على احد حتى على عدوي
مروه: عندج عداوه؟
ضحكت بستهزاء وكلت انه واخوي اعدانه هواي المهم تعاي لا الشيخ يعصب
طلعنه انه وياهه وشيخ حچه وياهه وره شوي طلع اخوي وره سيد
شاهر: مو عبالج اخذتج محبتن بيج لاولله بس اخذتج غصبا على اخوج فهدان
باوعت بطرف عيني وحجيت احترم نفسك مو عبالك شيخ واخاف منك افتهمت لولا
نصدم من كلامي لان اول مره يسمع هيج كلام وخصوصا من بنيه
صفكني على وجهي وكال ولج بعمري وحياتي ما مديت ايدي على بنيه بس هسه انِت تجاوزتي عليه انه اربيج اذا امج ما مربيتج عدل
كمت على حيلي وانترت علساس ما تمد ايدك على بنيه انَت مو تكول انه شيخ شاهر ما امد ايدي على بنيه
كال بعصبيه وعيونه تخوزر انِت جبرتيني اضربج وذا تبقين هيج لسانج طويل وتجاوزين راح تتمنين الموت يمي افتهمتي
مروه: جا لا تجاوز وتكول اخذتج غصبا على اخوج فهدان
ضحك وباوعلي خوش ما اكول دكومي طفي الضوء وطلعي برا
كمت طلعت برا بس الضوء ما طفيته يريد من هسه يأتمر بقى يصيح جاهلته
نرجس: كاعده وحدي وافكر شلون اذا عرفت مروه هاي المشكله كلهه بسببي
شوي واجت مروه كعدت يمي وكالت هذا اخوج شلون متحملينه؟
نرجس: ليش شبي؟
مروه: ولج ضربني ضربني مو علساس رجال ما يمد ايده على بنيه
نرجس: شنوووو!!
مروه: مثل ما سمعتي ضربني وانه ما سويت شي..
نرجس: معقوله شاهر ما يضرب بدون سبب اخوي انسان واعي وحنون وكلبه طيب
