#بستان الضلمات للكاتبه زهراء
ودّعتُه عِنْدَ الغروبِ مُلوِّحًا
من يومِها كلّ الزمانِ غروبُ
"" "" "" "" "" "" "" "" "" "" "" "" "" "" "" "" ""
نرجس:: درت وجهي لكيت فهدان مربطينه فتحت عيني بصدمه ورحت يمه
فهدان حبيبي ليش هيج حالتك فهمني فدوه اروحلك منو جابك هنا احجييي
بقى يباوعلي ويضحك انِت السبب..
باوعت عليي شنوو يعني من كل عقلك انا اسوي هيج ولك انَت روحي اذا يصير بيك شي اموت..
فهدان:: انا اجيت حتى اشوفج جماعت اخوج كالو اخت الشيخ نخطبت و تعاركت وياهم ضربوني على راسي وبعد ماعرفت شلون جابوني هنا و ربطوني..
بس فهميني نرجس شلون انطاج كلبج وسويتي بيه هيج انا مو كلتلج بس احل مشكله بنت عمي راح اطلكهه واجي اطلبج من اخوج ليش كسرتي كلبي..
فهدان ولله ما مخطوبه جذب جذب ولله لاصدك انا احبك..
باوعلي بعدم تصديق وكال كلشي انتهى بيناتنه وانا وساره راح يستمر زواجنه واتمنى تنسيني بعد..
باوعتله بقهر فتحت ايده ورجله واردفت الله وياك بس ولله ما راح انساك طول عمري لان انا حبيتك من كل كلبي بس يله هي قسمه ونصيب وانَت ما مقسوم الي..
طلع فهدان من البستان وانا كلبي نار اريد اصرخ ماكدر احس النفس انكطع يعني معقوله راح وعافني جا والحب الي بيناتنه والوعد جان يكلي مو رجال اذا ما اخذتج معقوله كله جذب..
...............................................................
مروه:: ساره امشي ابوج نايم خطيه اخاف نكعده ويضوج..
باوعتلي مرت عمي وهي خايفه واردفت مروه تعاي رحت يمها
مروه شوفي لا تفهميني غلط فدوه.. باوعت عليهه بنظره حقد شنوو ما افهم غلط شفت رجال غريب بفراش عمي هسه لو يدخل عمي وساره تشوفه مو راح تنصدم شنو موقفج كدامهم..
علياء:: عادي اكللهم حبيب مروه جابته يمي وهمه راح يصدكوني اكيد..
فتحت عيني مصدومه معقوله من كل عقلج راح يصدكونج ولج رجال بكد عمي شبيج..
ضربتني على حلكي حيل متت من الوجع كمت رحت لساره وكلتلهه امشي نطلع بسرعه باوعتلي بـ استغراب وطلعنه
ساره:: شكو صاير امي شعجب صاحت عليج وبعدين حلكج شبي؟؟
مروه:: ساره على كيفج اول شي امي حاجتني عليج كالت شكد مشتاقتلهه و حلكي مابي شي بس عثرت ونطكيت بـ الحايط..
ساره:: هههه مشتاقتلي جا ما اجت حضنتني وعبرت عن اشتايقه الي..
..................................................................
