بستان الضلمات

بارت 29 قبل الاخير

بستان الضلمات للكاتبه زهراء.
"" "" "" "" "" "" "" "" "" "" "" "" "" "" "" "" "" "

إعـيونك مـغازل
دوخـن خـيط الـزمـان ومـا دخـت 🤍.

"" "" "" "" "" "" "" "" "" "" "" "" "" "" "" "" "" "

ساره:: وصلنه للبيت و اول ما دخلت لكيت الورد وشموع ابتسمت خجلانه،  حبيبي شنو هذا؟

فهدان::  ورد وشموع اتمنى شنو ما عجبتج المفاجئ.

ساره:: ههههه أصلاً تجنن عاشت ايدك ياروحي بس تعرف لو ورد احمر احلى.

فهدان::  اول مره اشوف عروس تشرط من اول يوم.

ساره::  حبيبي مو اشرط بس لازم تعرف شنو الي احبه يعني تخيل باجر اذا ازعل وانتَ تجيب الي ورد ابيض اله اشمره بوجهك و اطلب الطلاك منك.

فهدان:: خزرتها ليش تردين اكتلج اول يوم.
ساره:: انتبهت الجفصتي،  اسفه مو قصدي احجي هيج.
فهدان:: ما اتحملت نظرتها الي،  اتقربت يمها وهمست بـ اذنها ساره احبج مو وكت هاي السوالف..

ساره:: بلعت ريك خايفه،  وحبيت اغير الموضوع.
تدري انا من جنت صغيره اجي البيتكم نص الليل.

فهدان:: حطيت ايدي على خدي وصافن على كلامها ومنتظرها تخلص.
ساره:: فهدان صافن وانا كلش خفت منه،  شبيك صافن

فهدان:: انا ما اتحمل هاي اللطافه اتقربت يمها تلمست ايدها بستها،  همست بـ اذنها وهي ترجف، ساره لاتخافين راح اكون وياج لطيف..

ساره:: حجيت بخوف شنو قصدك؟

فهدان:: طكيتها بضحكه شنو ساره اول مره ترا انتِ زوجتي من الاول لو نسيتي؟

ساره:: ما نسيت بس هذا اليوم مختلف.
فهدان::  حضنتها ومسحت على شعرها،  اكيد مختلف لان راح اعوضج على كل شي الي صار ويانه.

وهسه الي اريده منج ياروحي ما تخافين مني تمام..

ساره:: تمام،  دخلت للحمام  وانا خايفه بدلت ملابسي عدلت مكياجي وخليت عطر.

فهدان::  طلعت ساره من الحمام،  اففف شنو هذا العطر الي يجنن..

ساره:: حلوو صح؟

فهدان:: غمزت الها مو بس العطر انتِ هم حلوه.

.....

مروه:: كلش تعبنا من العرس رجعنا للبيت،  اخذت ريم وصعدنا فوك بغرفتي بدلت الها وسبحتها لان جان طريق طويل فـ حبيت اسبحها حتى ترتاح.

بس تعبتني يله نامت،  شوي ودخل شاهر ابتسم من شاف ريم..

شاهر:: هلا بـ ريمي.
مروه:: شاهر فدوه عوفها هسه نامت وذا كعدت وما شبعانه نوم تبقى بس تبجي.

شاهر:: بس انا مشتاقلها شسوي؟

مروه::  ترا هي 24ساعه ومن تنام تشتاقلها.