بستان الضلمات

بارت 4

#بستان الضلمات للكاتبه زهراء

- أحياناً يفقدُ المرءَ القدرةَ على التحملِ لدرجة أنهُ قد يكرهُ نفسهُ إن ازعجته
""""""""""""""""""""""""""""""""""""""""""

نصدمت صدمه عمري من لكيته بـ هذا الوضع
تقربت يمهم وحاجيت مرت عمي

عمه شبي فهدان شنو الي وصله بـ هاي الحاله

هاشميه: بنيتي ما اعرف انه ردت اطلع ولكيته بالباب فاقد الوعي والحد لان ما كاعد حتى نعرف السالفه

ولج ساره ابني راح يروح من ايدي ما كافي عليه مروه مادري وين خذوها

ساره: عمه استهدي بـ الرحمن ان شاء الله ماكو شي ومروه ترجع النه بخير وسلامه اما على فهدان هسه يكعد ونتفهم منه السالفه

هاشميه: ولله ما ضل عندي صبر ماكدر اتحمل بعد ربيتهم وتعبت عليهم وهسه وحدي ضليت اخخ يا يمهه

ساره: عمه شهل الحجي انه يمج وما اعوفج حتى لو كل الناس عافتج

بجت بغصه وحضنتني ولله اعتبرج مثل مروه وما يوم فرقت بيناتجن بس امج الله يهديهه ما تحب بنيتي مادري شنو مسويه الهه

ولله يا عمه مادري بيهه وانه معليه بـ امي..

باوعتلي وضحكت يي ادري بنيتي انِت حنينه على عمج الله يرحمه

شوي واجت امي تصيح وتغلط..

ولج ساره الله يطيح حضج انه عفتج تنضفين نوب اطلع اشوفج يم هاي الدايحه الي ماعدها رجال

هاشميه: احترمي نفسج انه ما تجاوزت عليج واحنه اشرف منج ومن الخلفج امشي طلعي برا وما اسمحلج بعد تدخلين البيتي افتهمتي

ساره: كافي انتن كبار عيب هسه اذا يسمعون الجوارين شنو يكولون علينه

وما حسيت اله ندفعت دفعه قويه

امي: طايحه الحظ شجابج هنا انِت اله اندمج بسيطه انه الج ما ربيتج عدل

ساره: يمه انِت لو مربيتني جا هسه انه ما احترم احد بس همزين عمتي هاشميه هي الي ربتني ويه مروه وياريت انِت مو امي لان ما تنحسبين على الامهات ابد حسبي ونعم الوكيل عليج

باوعتلي بحقد و كالت امشي ولج ادبسزز هسه اربيج تربايه بعمرج ما شايفتهه..

هاشميه: انِت شبيج ويه البنيه ترا بنيتج وحيدتج لازم تخلينه بعيونج مو ذلينهه هيج

ساره: دمعت عيني لان بعمري ما حسيت بحنان الام بس مرت عمي عوضتني

.....

مروه: كعدت راسي صداع موتني وجوعانه لان لحد الان ماكو اكل ورجلي موتتني من الوجع شوي وسمعت صوت قريب يمي باوعت لكيت الشيخ كاعد جوه النخله الي حذرني منهه تقربت يمه وكلت سلام عليكم شيخ باوعلي وعيونه حمر انه مو كلتلج لا تجين هنا دفعني حيل وكال مره ثانيه لاتجين راح تموتين