# الضلمات للكاتبه زهراء
"" "" "" "" "" "" "" "" "" "" "" ""
لقـد ڪان مجيـئك مجـيء السـلام القلبـي
"" "" "" "" "" "" "" "" "" "" "" ""
مروه:: هوسه وملتهين بعرس نرجس وكل ساعه يردون شي من عدنه وساره خطيه كلش تعبت تكول عادي المهم اختي فرحانه..
ساره:: اكلج مروه بيش ساعه نروح للصالون؟
مروه:: فد نص ساعه ويجي شاهر ياخذنه.
ساره:: تمام انا راح اصعد النرجس واكعد هبه بلكت تروح ويانه للصالون..
مروه:: ايي عفيه حاولي وياها بلكت تقبل..
ساره:: هزيت راسي اي صعدت فوك لكيت نرجس جهز نفسها ورحت الغرفه هبه كعدتها وانطيتها علاج..
حبيبتي هبه تعاي ويانه على الواهس فدوه الخاطري..
هبه:: ولله ماكدر راسي كلش يوجعني ومالي خلك اي شي..
ساره:: عفيه اول مره اطلب منج شي واعتبريني اختج..
هبه:: ابستمت ماكو مهرب راح انزل وياج بس المشكله ماعندي شي البسه للعرس..
ساره:: ولايهمج انا هواي عندي.. بس تعاي فدوه..
هبه:: تمام بس اغسل وانزل..
ساره:: بس استعجلي.. نزلت لكيت البنات كاعدات..
مروه:: ها بشريني هبه تروح ويانه لو لا؟
ساره:: اي تروح بس تغسل وتحضر نفسها وتنزل..
نرجس:: ايي همزين راح تجي خطيه تغير جو ويانه.
ساره:: ايي راح تجي بفضلي..
مروه:: هههه نچبي المهم اجت..
هبه:: حضرت نفسي و وجع راسي موتني..
مروه:: نزلت هبه وكمت ساندتها وانا فرحانه لان نزلت واحس حالتها شوي احسن..
ها ان شاء الله صرتي زينه؟
هبه:: مابينت تعبي حتى ما اكسر واهسهن..
هزيت راسي تمام...
مروه:: اجه شاهر و رحنه للصالون بس حسيت عليي كلش ضايج لان اخته راح تزوج..
شاهر:: باوعت على نرجس كلش فرحانه..
مروه:: يله شاهر خلي نروح اهم يالله.. طلعنه من البيت وشاهر شغل الاغاني ونردد ويه الغنيه ونركص وكلش فرحانين شوي واردف شاهر جا وين عابدين؟
ساره:: هو من امس ماكو يمكن عند صديقه..
شاهر:: تمام بس كلبي يوجعني حتى ما تصل.
مروه:: بله اتصل و شوفه..
شاهر:: طفي المسجل اتصلت على عابدين يفصل ضليت افكر بس ما بينت حتى ما اخرب فرحه نرجس..
مروه:: يله شاهر هذا الصالون ومن نخلص اتصل عليك تمام..
شاهر:: هزيت تمام وانا بالي يم عابدين. رجعت للبيت كلت بلكت اشوفه..
ام شاهر:: ها يمه ما اتصلت على اخوك شو من امس ماكو.
شاهر:: مادري يمه اتصلت وماكو وهسه انا صاعد انام فد ساعه وكعديني..
