لفصل الخامس عشر ........
امجد بجديه :اولاً انا مبحبش وليد يدخل في شغلي واظن قولتلك الموضوع دا كتير جدا مش عشان هو قريبك يبقى يدخل في شغلي براحته.... ليكمل بلطف : ثانياً اعرفك آسيل بنت خالي ......ثم يكمل وهو ينظر لاسيل بلطف : اعرفك ب جيسي بابها جلال الدين الدمنهوري صحاب شركات الدمنهوري للتكنولجيا والاتصالات الحديثه وهو صحبي جدااا وبعمل مع بعض صفقات كتير جدااا وده مخلي علاقتنا كويسه جدا مع بعض....
آسيل وهي تنظر إليها بإحتقار: يعني هي مش خطبتك ولا هي مراتك...
امجد بإستغراب: لا ليه يعني قولتي كدا ..
آسيل وهي تنظر إليها بإحتقار: أصل يعني هي من ساعت ما دخلت وهي وخداك بوس واحضان ولا كإنها مراتك ...
امجد وهو يحاول كتم ضحكته : لا بس جيسي واخده عليا اويي علشان متعرفين من زمان وكدا يعني ..
جيسي بحقد : زي ما هو قالك كدا بالظبط يا آسيل هانم ولا نقول مدام ..
كانت آسيل تنوي الرد ولاكن تفاجأت بأمجد يرد بسرعه شديده وهو يحاول التمسك بغضبه : لا يا جيسي آسيل تبقى آسيل هانم مش مدام يعني هي مش متجوزه ...ليكمل بصوت صارم : فهمتي ولا هنغني ونرد قدام بعض كتير ..
جيسي وقد اخافتها لهجه امجد الغاضبة: لا يا بيبي خلاص انا فهمت ....
امجد موجها حديثه إلى آسيل: خلاص يا آسيل اطلعي انتي على أوضتك وهبعتلك العشا لحد عندك وهنكمل كلامنا بعدين ....
آسيل وهي تضغط على أسنانها بغيظ : حاضر يا امجد انا طالعه تصبح على خير ...
خرجت آسيل من الحديقه وتوجهت إلى باب الحديقه ومنه إلى الدرج ومن ثم إلى غرفتها ....في الحديقه بعد أن تأكدت جيسي من ذهاب آسيل التفتت إلى امجد وهي تحدثه بغضب ....
جيسي بغضب وغيره : مين دي يا امجد انت قولت قبل كدا انك معندكش قرايب ...
امجد وهو يجلس على الكنبه التي خلفه وينفس سيجاره بلامبالاه: الله من انتي بتعرفي تقولي امجد اهو آمال ايه ميجو وبيبي من ساعت ما دخلت نسيتني اسمي يا شيخه ..
جيسي بغضب : ايه يعني لما ادلعك ولا انت خايف منها يعني لحسن تزعل وتزعلك معها ..
انتفض امجد من مكانه وأمسك بجيسي بقوه من زراعها : لا عاش ولا كان الي يفكر مجرد تفكير انه يزعل امجد الزناتي فاهمه لا انتي ولا الف منك سامعه ...
جيسي بخوف : امجد حرام عليك سيب ايدي ااه ااه ااه يا امجد بقولك ايدي وجعاني....
امجد وهو ينظر إليها بشمأزاز ويترك يدها وينفضها بعيدا عنه : ايه القرف الي انتي لابساه ده دا انتي لو سهرانه في كباريه النجوم مش هتلبسي كداا..
جيسي وهي تمسك بيدها بألم : حرام عليك ايدي وجعتني وبعدين دادي عارف اني خارجه كدا ...لتكمل بخبث : وانت مش جوزي مثلا عشان تقولي ألبسي ايه ومتلبسيش ايه ..
امجد جالسا مره أخرى: يا ستي غوري آل هو بباكي الي عارف يلبسك اوي ....
جيسي وهي تجلس بجانبه بدلال وتضع يدها على شفتيه : خلاص يا بيبي انا أسفه متزعلش مني ولو على لبسي خلاص انا مش هلبسه تاني لو دا اللي مزعلك...
امجد وهو ينفض يدها بعيدا ويقوم من مكانه : ألبسي الي تلبسيه انا عامل على الغلبان والدك الي سيرته جايه على كل لسان بسبب لبسك الزفت ده .....ليكمل وهو يأخذ علبه السيجار من على الطاوله : انا ماشي هطلع اتعشى عشان تعبان وهنام وياريت انتي كمان يكون عندك دم وتروحي تنامي عشان عندنا شغل مهم بكرا ...
ابتعد امجد عنها وهو ينوي أن يتناول العشاء ويخلد للنوم .بعد ان تأكدت جيسي من ذهاب امجد اخرجت هاتفها وهي تقوم بإجراء مكالمه هاتفيه....
جيسي بصوت منخفض : أيوه يا وليد الزفت انت مش قولتي ان امجد معندوش قرايب .
وليد بنعاس : يعني انتي اتصلتي بيا في نص اليل تقولي كدا...
جيسي بغضب : رد على قد السؤال يا وليد قولت كدا ولا لا ....
وليد بعدم إهتمام: اه قولت حاجه تاني ينفع اتخمد بقا ولا مش مسمحولي ....
جيسي بإستخفاف من وليد : لا مش مسموحلك....لتكمل بجديه : آمال مين آسيل الي هو بيقول عليها بنت خاله دي .
انتفض وليد بفزع : ايه مين آسيل دي كمان الي طلعتلنا في البخت دي رخره...
جيسي بغضب : وهو انا اعرف انت مأكدلي انه معندوش قرايب دلوقتي بقا لو عرفنا نخلص عليه مش هنعرف ناخد مليم احمر من الي معاه دا كله هيروح للست آسيل هانم ....لتكمل بحزن : وبعدين امجد مش طايقني باين كدا انه لسه مدايق مني عشان عرف اني كنت مصحبه واحد واحنا مخطوبين ....
وليد بأستهزاء : مهو انتي الي غبيه رايحه تصحبي وتحبي وانتوا مخطوبين دا كان فاضل على الحلو تكه زي ما بيقولوا لكن هنعمل ايه بقى غبيه مش مكفيكي كميه الرجاله اللي انتي عارفاهم وبعد ما اتخطبتي لأمجد الزناتي بذات نفسه رايحه تحب وتتحب وتصحبي و تتصحبي....
جيسي بملل : اخرس بقا وقولي هنعمل ايه في المصيبه اللى اتحدفت علينا دي ....
وليد بنفاذ صبر : مش عارف ...ليكمل بإستفهام: هي اسمها آسيل ايه صحيح وعرفت منين إنها قريبته ...
جيسي بقلق : معرفش كل الي اعرفه ان هو عرفني عليها إنها بنت خاله ....
وليد بنظرات شيطانيه : خلاص انا هشوف الموضوع ولو صح هتبقى لعبت في عداد موتها ...
أنت تقرأ
لم اقصد حبها ❤
Storie d'amoreالمقدمه....... امجد بطل القصه:امجد نقيب بالشرطة يعيش بمفرده بعد أن ترك أبويه لديه شعر اسود كثيف عينيه من اللون البندقي المأله اللون البني يمتلك جسد رياضي ذو عضلات ضخمه لانه دائماً ما يلعب الرياضه ليفني عن همه عريض المنكبيين طويل القامه آسيل بطله ال...
