"ဟယ်လို ကြည်ပြာ ငါတို့တွေ့ရအောင်"
မြဇူးစိတ်တိုတိုနှင့်ထိုအိမ်မှထွက်လာပြီး ကြည်ပြာတို့နှင့်ချိန်းထားသော Barသို့ရောက်လာတော့သည်။နေရာအစုံကိုကွေ့ဝိုက်ကြည့်လေတော့ထောင့်ခုံမှာထိုင်နေသော ကြည်ပြာနှင့်နဒီတို့လင်မယားကိုပါ တွေ့လိုက်သဖြင့် မြဇူးရုတ်တရက်ပျော်သွားကာ အပြေးလွှားသွားလိုက်၏။
"နဒီတို့ပါ ရောက်နေတာကိုး"
"မြဇူး နင်နိုင်းနဲ့လက်ထက်လိုက်ပြီဆို ဘာလို့ငါတို့ကိုမဖိတ်တာလဲ"
နဒီ၏အမေးကိုမဖြေခင် ခုံပေါ်တွင်တင်ထားသော ဘီယာတစ်ခွက်အားမော့ချလိုက်ကာ
"နင့်တို့ကိုသာဖိတ်ရင် အဲ့နေရာမှာလူသတ်ပွဲဖြစ်သွားမယ်ထင်လို့"
"သေချာတာပေါ့ အဲ့ကောင်နိုင်းကို ငါသတ်ချင်တာကြာပြီ ငါတို့ကိုမတိုင်ပင်ပဲလက်ထက်လိုက်တဲ့နင်ကရော ဘာလဲနင်တို့ကပြန်အဆင်ပြေသွားကြတာလား"
မိမိခံစားခဲ့ရသည်များကိုဘေးကနေမြင်ခဲ့ရသည့်ကြည်ပြာနဲ့နဒီရဲ့စိတ်အားမြဇူးနားလည်ပေသည်။
"မဟုတ်ပါဘူး ငါလည်းတစ်ခုခုလိုအပ်လို့လပ်ထပ်ခဲ့ရုံပဲ"
ဟုပြောရင်း လက်ကျန်ဘီယာအားထပ်မော့လိုက်စဉ်
"မြဇူး အခုဆိုနင်ကအိမ်ထောင်သည်ဖြစ်နေပြီလေ ဒီလိုညကြီးအရက်သောက်နေလို့ဖြစ်ပါ့မလား"
ဇွဲထက်၏အပြောကြောင့်တစ်ချက်ရီလိုက်ရင်း
"အဲ့ဒါဆိုနင်ကရော နဒီ့ကိုထိန်းနိုင်လို့လား"
"ဟူး.. မနိုင်ဘူးဟေ့ မနိုင်ဘူး "
ငထက်ရဲ့ခေါင်းခါပြီးညည်းလိုက်သံကြောင့် မြဇူးတစ်ဝိုင်းပွဲကျသွားတော့၏။
********************************
ညသန်းခေါင်အချိန်ထိ အိမ်ပြန်မလာသော ဇနီးသည်အား မတ္ထ ဒေါသထွက်နေမိသည်။ညနေကဖြစ်ခဲ့သည့်ကိစ္စအပေါ်တွင်လည်းအခုထိမကျေမချမ်းဖြစ်နေဆဲပင်။
ထိုစဉ်ဝင်လာသောဖုန်းအားကိုင်လေတော့
"ယျောင့်နိုင်း ငါ ငထက်ပါ"
YOU ARE READING
A golden stranger
Actionငယ်ရွယ်စဥ်ဖြစ်ပေါ်လာတဲ့အချစ်တစ်ခုကြောင့်ဘဝတစ်ခုလုံးနစ်မွန်းခဲ့ရတဲ့မိန်းမပျိုလေး မြဇူးခေ၊ မိမိသဘောကျနှစ်သက်သောမိန်းကလေးအားမိသားစုကြောင့်အထင်လွဲမှုနှင့်ပစ်ပယ်ခဲ့ရသော နိုင်းမတ္ထ၊ အစ်ကိုဖြစ်သူကိုဘယ်သူ့လက်ထဲမှမထည့်နိုင်ပဲသဝန်တိုလွန်းတဲ့နိုင်းသတ္တရေ၊ အချစ...
