"ရေရေ ဒီပုံစံကဘယ်လိုဖြစ်လာတာလဲ"
မတ္ထရဲ့အမေးကြောင့် ညီမဖြစ်သူမှာ ကိုယ်ကိုပြန်မတ်လိုက်ရင်း
"ကိုကို့အရေးပါလို့လား ဖြစ်ချင်သလိုဖြစ်ဆိုပြီး အဝေးကိုပို့ခဲ့တာမဟုတ်ဘူးလား အခုမှဘာတွေအံ့သြနေတာလဲ? ဒေါ်တုတ် ကျွန်မအခန်းထဲကို ညစာလာပို့ပါ ဒီမိသားစုနဲ့တွေ့ချင်လွန်းလို့ လာခဲ့ရတာမို့လို့မစားခဲ့ရဘူး "
ဆိုကာ အကြည့်က မတ္ထကိုကြည့်ရင်း ဒေါ်တုတ်အားအမိန့်ပေးနေလေသည်။ထူးဆန်းသွား၏ အရင်ကဒေါ်တုတ်ကိုဆို သမီးလို့သူ့ကိုယ်သူသုံးနှုန်းခဲ့တဲ့လူက စိမ်းကားစွာ ကျွန်မဟူ၍သုံးလိုက်လေတာကြောင့် ဒေါ်တုတ်လည်းခဏတာကြောင်သွားရင်း ထမင်းစားနေရာမှထကာ ပြင်ဆင်နေတော့သည်။
ရေရေ ထိုမိန်းမရဲ့ လရင့်နေသောဗိုက်အား တစ်ချက်စိုက်ကြည့်လိုက်ကာ
"ဟွန်း.. ခတ္တာ.. မဆိုးဘူးပဲနာမည်က၊ စိတ်မကောင်းစရာက ဒီကလေးက အဒေါ်ကံဆိုးလာတာပဲ"
မြဇူး ယောက်မဖြစ်သူအား ထူးဆန်းစွာကြည့်နေမိသည်။ထိုစကားမှာ ကလေးအပေါ်မကောင်းပေးဘူးဟု သွယ်ဝိုက်ပြောဆိုလိုက်ခြင်းပင်။
"ဟူး.. ပင်ပန်းလိုက်တာ ဂရုစိုက်အုံးနော် မေမေ၊ တည်ငြိမ်နေတဲ့ ရေရေ့ကိုကြီးလည်း ဂရုစိုက်နော်"
ဆိုကာ ထမင်းစားခန်းမှထွက်လျက် အပေါ်ထပ်သို့တက်သွားတော့သည်။ထိုမှ မိုင်းမတ္ထက စကားစလေသည်။
"ရေရေပြန်လာမဲ့ရက်က ဒီနေ့ဖြစ်နေတာပဲ ငါ့အမှားတွေပဲ မေ့နေမိတာ"
"မင်းအမှားမဟုတ်ပါဘူး ရေရေ့ကိစ္စကငါ့တာဝန် ၊ ငါပေါ့လျော့သွားတာ"
"စကားသွားပြောကြည့်ပါလား မောင်၊ ဇူးကြောင့် သူထွက်သွားခဲ့ရတာ သူလည်းဒေါသထွက်မိမှာပဲ"
"ဇူးကြောင့်မဟုတ်တာမို့ အဲ့လိုမပြောနဲ့တော့ ဟုတ်ပြီလား? ကျွန်တော်စကားသွားပြောလိုက်မယ်"
ဆိုကာ အမေဖြစ်သူနှင့် အစ်ကိုတို့အား တစ်ချက်အသိပေးရင်း အပေါ်ထပ်သို့တက်လာခဲ့တော့သည်။
မြဇူးကိုတော့ နတ္ထနှင့် ဒေါ်တုတ်တို့မှ စိတ်မကောင်းမဖြစ်ရန်ပြောရင်းကျန်ခဲ့သည်။
YOU ARE READING
A golden stranger
Actionငယ်ရွယ်စဥ်ဖြစ်ပေါ်လာတဲ့အချစ်တစ်ခုကြောင့်ဘဝတစ်ခုလုံးနစ်မွန်းခဲ့ရတဲ့မိန်းမပျိုလေး မြဇူးခေ၊ မိမိသဘောကျနှစ်သက်သောမိန်းကလေးအားမိသားစုကြောင့်အထင်လွဲမှုနှင့်ပစ်ပယ်ခဲ့ရသော နိုင်းမတ္ထ၊ အစ်ကိုဖြစ်သူကိုဘယ်သူ့လက်ထဲမှမထည့်နိုင်ပဲသဝန်တိုလွန်းတဲ့နိုင်းသတ္တရေ၊ အချစ...
