ထိုကိစ္စအားသိပြီးနောက်ပိုင်း နိုင်းမှာ သူ၏ညိမအပေါ် ဂရုစိုက်ခြင်းမပြုတော့ပေ။ မရှိသကဲ့သို့ လျစ်လျူရှုနေတော့၏။၎င်းကြောင့်ပင် နှိုင်းသတ္တရေမှာ အပြင်တွေအရမ်းထွက် အရက်တွေအထိပါသောက်လာရင်း သဌေးသမီးပျက်စီးခြင်းသို့ပျက်စီးလာတော့၏။
ရုံးတက်ရက်ဖြစ်တာကြောင့် နိုင်းမှာအလုပ်သွားရပြီး ခဲအိုမှာတော့ ဒေါ်တုတ်နဲ့အတူ ဒေါ်ကေသာခိုင်အားဆေးစစ်ရန်အတွက်အပြင်ထွက်သွားရသည်။
မြဇူး မနက်စာစားနေတုန်းပင် အိမ်ရှေ့က ကားသံကြောင့်ပြတင်းပေါက်ကကြည့်မိတော့ ယောကျာ်းတစ်ဦးက ကားကိုမှီလျက် ရပ်နေလေသည်။ထို့နောက် အိမ်ပေါ်မှဒုန်းဆိုင်းပြေးလာသော ရေရေ့ကိုမြင်လိုက်ရ၏။
"ဘယ်သွားမလို့လဲ ရေရေ?"
"ရှင့်အရေးပါလို့လား "
ဆိုကာ ထွက်သွားမည်လုပ်သောကြောင့် မြဇူး ရေရေ့လက်ကိုဖမ်းဆွဲကာ တားလိုက်မိ၏။
"အဲ့လူက ဘယ်သူလဲ"
"ကျွန်မ ချစ်သူ"
"ချစ်သူဖြစ်တာဘယ်လောက်ကြာပြီလဲ"
"အွန်း..နှစ်ရက်"
"ဘာ.. ဟုတ်ပြီ ဘယ်သွားမလို့လဲဆိုတာတော့ မမလည်းသိသင့်တယ်မလား"
"သူကခရီးထွက်ရအောင်ဆိုလို့ လိုက်သွားမလို့"
"ရေရေ လွန်ခဲ့တဲ့နှစ်ရက်မကမှသိတဲ့လူနဲ့ နှစ်ယောက်တည်းအပြင်ထွက်မလို့လား ဒီကိစ္စကိုအိမ်ကလူတွေကိုလည်းအသိမပေးပဲနဲ့လေ"
"အခု ရှင်သိပြီမလား ရပြီလား"
"မရဘူး မမခွင့်မပြုနိုင်ဘူး အဲ့ယောကျာ်းကဘယ်လိုလူမျိုးလဲဆိုတာရော သိပြီးပြီလား ဘယ်လိုအရှုပ်အရှင်းတွေရှိလဲဆိုတာရော ၊ နှစ်ရက်တည်းသိတဲ့မိန်းကလေးကိုခရီးအတူထွက်ဖို့ခေါ်ကတည်းက ဘယ်အဆင့်တန်းလည်းဆိုတာ သိသင့်တယ်၊"
"ကျွန်မ ချစ်သူကိုအဲ့လိုပြောစရာအကြောင်းမရှိပါဘူး အဆင့်အတန်းလား သူ့မှာတိုက်ရှိတယ် ကားရှိတယ် ကျွန်မတို့ထက်တောင်ချမ်းသာနိုင်သေးတယ်"
"အဲ့ဒါ မင်းအမြင်လေ အဆောင်ယောင်တွေနောက်မှာဘာရှိလည်းဘယ်သူမှမသိနိုင်ဘူး လိုက်မသွားရဘူး"
YOU ARE READING
A golden stranger
Actionငယ်ရွယ်စဥ်ဖြစ်ပေါ်လာတဲ့အချစ်တစ်ခုကြောင့်ဘဝတစ်ခုလုံးနစ်မွန်းခဲ့ရတဲ့မိန်းမပျိုလေး မြဇူးခေ၊ မိမိသဘောကျနှစ်သက်သောမိန်းကလေးအားမိသားစုကြောင့်အထင်လွဲမှုနှင့်ပစ်ပယ်ခဲ့ရသော နိုင်းမတ္ထ၊ အစ်ကိုဖြစ်သူကိုဘယ်သူ့လက်ထဲမှမထည့်နိုင်ပဲသဝန်တိုလွန်းတဲ့နိုင်းသတ္တရေ၊ အချစ...
