ဖြေးညှဥ်းစွာဖွင့်လာသော မျက်လုံးတစ်စုံနှင့်ပတ်ဝန်းကျင်အားကြည့်တော့ တစ်စုံတစ်ယောက်ကား ရှိမနေပေ။မြဇူးသက်ပြင်းတစ်ချက်သာချရင်း ရေမိုးချိုးသန့်စင်ပြီးသည်နှင့်မှန်ရှေ့ကြည့်လေတော့ လည်ပင်းနဲ့ပုခုံးနားတစ်ဝိုက်ဘာဒဏ်ရာမှရှိမနေပေ။
မိမိလက်ကောက်ဝတ်တွင်တော့ချုပ်ထားခံရမှုကြောင့်အနီရောင်ပင်သန်းနေလေသည်။ရုံးပိတ်ရက်ဖြစ်တာကြောင့် အပြင်ထွက်စားမည်အစီစဥ်နှင့်အိပ်ခန်းကထွက်လေတော့ မီးဖိုချောင်စားပွဲမှာတွေ့ရသည်က ထမင်းကြော်တစ်ပန်းကန်နှင့်ကြက်ဥကိုခရမ်းချဥ်သီးနှင့်ကြော်ထားသော ဟင်းတစ်ခွက်အားတွေ့လိုက်ရသည်။
ထိုအနားမှစာတစ်စောင်အားဖတ်ကြည့်တော့
:မြဇူးခေ အိမ်မှာလည်းဟင်းလေးဘာလေးချက်စားဖို့ဝယ်သင့်တာလဲဝယ်အုံး ဘာမှကိုမရှိဘူး ရှိတာနဲ့ချက်ပေးထားတယ် စားလိုက်:
"ဟန့်... ငါဘာသာဝယ်ချင်ဝယ်မယ်မဝယ်ချင်မဝယ်ဘူးပေါ့ သူနဲ့ဘာဆိုင်လဲ လူမကောင်းကောင်"
ဟုကြိမ်းရင်းပြင်ပေးထားသည်များအား ပြုံးကြည့်မိသည်ကို မြဇူးကိုယ်တိုင်ပင်မသိလိုက်ချေ။
*******************************
ရုံးပိတ်ရက်ဖြစ်တာကြောင့် ထမင်းစားဝိုင်းတွင်လူစုံနေလေသည်။ထိုစဥ်
"အမေ့ကိုကျွန်တော်ပြောစရာရှိတယ်"
"ဘာလဲကိုကြီးပိုက်ဆံလိုလို့လား"
နတ္ထအပြောကိုကြားမှ ဖြတ်မေးလိုက်သောညီမဖြစ်သူအား ကြည့်လေတော့
"နှိုင်းသတ္တရေ ဝင်မပြောနဲ့"
ဟုမိခင်ဖြစ်သူကမာန်လိုက်ရင်း ပြော ဟူသောအမူရာဖြင့်ကြည့်လေသောကြောင့်နတ္ထစကားဆက်လိုက်သည်။
"ကျွန်တော်သဘောကျနေတဲ့မိန်းကလေးရှိတယ်"
"အဲ့တော့?မင်းသဘောကျတာ တစ်ယောက်မကဘူးမလား"
"ကျွန်တော်သူ့ကိုလက်ထပ်ချင်တယ် "
နတ္ထရဲ့ဆက်လိုက်တဲ့အပြောကြောင့် ထမင်းစားဝိုင်းရှိလူအားလုံး နတ္ထအားဝိုင်းကြည့်လေသည်။
YOU ARE READING
A golden stranger
Acciónငယ်ရွယ်စဥ်ဖြစ်ပေါ်လာတဲ့အချစ်တစ်ခုကြောင့်ဘဝတစ်ခုလုံးနစ်မွန်းခဲ့ရတဲ့မိန်းမပျိုလေး မြဇူးခေ၊ မိမိသဘောကျနှစ်သက်သောမိန်းကလေးအားမိသားစုကြောင့်အထင်လွဲမှုနှင့်ပစ်ပယ်ခဲ့ရသော နိုင်းမတ္ထ၊ အစ်ကိုဖြစ်သူကိုဘယ်သူ့လက်ထဲမှမထည့်နိုင်ပဲသဝန်တိုလွန်းတဲ့နိုင်းသတ္တရေ၊ အချစ...
