Fall in Love[completed]

Part.15

Unicode

ထူးခြားကသာသူ့ဒဏ်ရာကိုဆေးထည့်ပေးနေပေမယ့်ခမ်းနားကတော့ဖုန်းတစ်လုံးနဲ့အလုပ်ရှုပ်နေဆဲပင်။

မေလေးကအဝတ်တစ်ထည်ကိုယ်တစ်ခုနဲ့အိမ်ပေါ်ကဆင်းသွားတာမို့ဖုန်းရလည်းကျန်ခဲ့၍သူမေလေးတို့အိမ်ကအိမ်ဖုန်းကိုခေါ်နေတာပါ။

သို့သော်ဖုန်းကိုင်မယ့်သူမရှိ။အရင်ကသူ့အားသားအရင်းလိုချစ်ခဲ့တဲ့ဦးလေးတိမ်ယံဆီဆက်တော့လည်းဦးလေးကဒေါသသံမဟုတ်ရဲစိတ်ပျက်သွားတဲ့အသံဖြင့်

''ငါတို့မိသားစုနဲ့ကင်းကင်းနေပါတော့''

တဲ့လေ။သူဘယ်လိုနေနိုင်မှာလဲ။သူမေလေးကိုဘယ်လောက်ချစ်ရလဲ။သူလွယ်လွယ်တော့အဆုံးရှုံးမခံနိုင်ပေ။

ထိုစဥ်သူ့အဖေနဲ့အမေရောအဖွားပါအိမ်ထဲဝင်ချလာပြီး

''ခြေထောက်ကဘာဖြစ်တာလဲ''

''ပုလင်းကွဲစူးတာဒေါ်လေး''

ပန်းလေးကအစားဝင်ဖြေပေးလိုက်သည်။

''ဟင်း နည်းသေးတယ်''

ဒေါ်တကူးတို့သားဖြစ်သူနဲ့မျက်နှာချင်းဆိုင်ဝင်ထိုင်ပြီး

''ဝတီကငါ့ကိုဖုန်းဆက်တယ် မင်းနဲ့သူ့သမီးကိုဆက်မပေါင်းခိုင်းနိုင်ဘူးတဲ့ မကြာခင်ကွာရှင်းစာချုပ်မှာလက်မှတ်ထိုးရမယ်တဲ့''

''​ဗျာ မဟုတ်ဘူး မကွာရှင်းနိုင်ဘူး ဒါကျွန်တော်သက်သက်မဲ့လုပ်ကြံခံရတာမေမေရဲ့ ကျွန်တော်မေလေးနဲ့မကွာရှင်းနိုင်ဘူးမေမေ''

''လုပ်ကြံခံရတာကလ​ည်းလုပ်ကြံခံရအောင်နေခဲ့လို့ပေါ့ မင်းသာမှန်မှန်ကန်ကန်နေခဲ့ရင်ခုလိုဖြစ်လာမလား''

''ဟုတ်ပါတယ်မေမေ ကျွန်တော်အသုံးမကျလို့ ကျွန်တော်မပြတ်သားလို့ပါ မေမေကျွန်တော့်ကိုကူညီပါဦး ကျွန်တော်မေလေးနဲ့မကွာရှင်းနိုင်ဘူး ကျွန်တော့်ကိုကူညီကြပါ ဖေဖေ ဖွားဖွား ကျွန်တော့်ကိုကူညီပါနော် ထူးခြား ငါ့ကိုကူညီကြပါကွာ''

''အဲဒါဟိုကလိမ်ကကျစ်မကိုပြောရမှာ မီးစရှို့တဲ့သူကပဲမီးငြှိမ်းရမယ်''