Fall in Love[completed]

Part.8

Unicode

မေလေးအိမ်ထဲပြန်ဝင်လာတော့ခမ်းနားက

''နင်သူ့ကိုဘာတွေသွားပြောလိုက်တာလဲ''

မေလေးကလက်နှစ်ဖက်ပိုက်ပြီးမခိုးမခန့်ရုပ်လေးနဲ့

''သူအလကားနေရင်းနင်ကိုမျှော်လင့်နေရမှာစိုးလို့ ငါနင့်ကိုမကွာပေးမယ့်အ​ကြောင်းလိုက်ပြောတာ''

''ဘာ''

''ဘာဖြစ်လို့လဲ ငါ့မှာအဲလိုပြောပိုင်ခွင့်မရှိလို့လား နင်လည်းငါ့ကိုကွာရှင်းဖို့အိပ်မက်ထဲတောင်ထည့်မမက်နဲ့ ငါ့ကိုယ်ငါတစ်ခုလပ်အဖြစ်ခံမှာမဟုတ်ဘူး နင်သူနဲ့တွဲချင်ရင်လ​ည်းခိုးတွဲပေါ့ ငါခွင့်ပြုတယ် အဓိကကလူတွေအမြင်မှာငါကနင့်ဇနီးအဖြစ်ရှိနေရင်ရပြီ''

''ဘာပြောလိုက်တယ် နင်ငါ့ကိုဘယ်လိုကောင်စားမျိုးထင်နေလဲမေလေး ငါအဲလောက်နိမ့်ကျတဲ့ကောင်မဟုတ်ဘူး''

''အဲဒါဆိုလည်းနင့်ဧကရီလေးကိုနင်ကိုယ်တိုင်ပြောလိုက်လေ ကိုကို့ဇနီးကကိုကို့ကိုတစ်သက်လုံးမကွာပေးဘူးလို့ပြောလို့ ကိုကိုတို့လ​ည်းတစ်သက်လုံးမဖြစ်နိုင်တော့ဘူးလို့''

''ဘာလဲ နင်ကငါသူ့ဆီပြန်ပါသွားမှာတော်တော်စိုးရိမ်နေတာလား''

''လာပြန်ပြီ ငါနင်ကိုမကွာပေးဘူးဆိုတာကလေ ငါကနင့်အနားနေချင်လွန်းလို့လို့မထင်ပါနဲ့ ဧကရီသော်ဆိုတဲ့မိန်းမကိုမရှုံးချင်လို့နားလည်လား နင့်ကိုကွာပေးရင်ငါသူ့ကိုရှုံးသွားမှာပေါ့ ငါ​ေ.သရင်တောင်မှအရှုံးမခံနိုင်ဘူး''

''ဘာ!''

ချက်ချင်းဆိုသလိုခမ်းနားမျက်နှာကြီးကရဲတက်လာလေ၏။
သူမ ပြောလိုက်တဲ့စကားတွေထဲမှာသူ့ကိုစိတ်တိုသွားစေတဲ့စကားပါသွားပေမယ့်အဲဒါဘယ်စကားလဲသူ့ကိုယ်သူလည်းမသိ။

''နင့်ကိုအဲဒါတွေကြောင့်ငါချဥ်တာ နင်နဲ့ငါ့ရဲ့အိမ်ထောင်ရေးကလည်းဘယ်တော့မှသာယာလာမှာမဟုတ်ဘူး ငါလည်းနင်ကိုကြာလေကြည့်မရလေပဲ''

''တူတူပဲ နော် ငါလည်းနင်နဲ့တူတူပဲ နင်တစ်ယောက်တည်းအဲလိုခံစားနေရတယ်မထင်နဲ့ ငါ့မိဘတောင်မခြယ်လှယ်တဲ့ငါ့ဘဝကိုနင်ပဲအမျိုးမျိုးခြယ်လှယ်ခဲ့တာ ငါ့ဘဝမှာတစ်စုံတစ်ယောက်ကြောင့်ပဲစိတ်ဆင်းရဲ စိတ်ထိခိုက်ခဲ့ရတာ အဲဒါနင်ပဲခမ်းနား နင်ကဘယ်တုန်းကမှငါ့ကိုကောင်းကျိုးပေးခဲ့တဲ့သူမဟုတ်ဘူး ဘယ်တော့မှလည်းကောင်းကျိုးပေးလာမယ့်ကောင်မဟုတ်ဘူး နင်ငါ့ကိုကြည့်မရဘူးဆိုရင်ငါကနင့်ထက်ပိုတယ်ဆိုတာသိထားလိုက်''