Fall in Love[completed]

Part.13

Unicode

ခမ်းနားအိမ်ပြန်မလို့ကားစက်နှိုးနေတုန်းသူ့ဘေးဘက်ခြမ်းကကားတံခါးကပွင့်သွားပြီးဧကရီကကားထဲဝင်ထိုင်လိုက်၍သူမျက်မှောင်အစုံကျုံ့ကာ

''မင်းဒီကိုဘာလုပ်တာလဲ''

''အလည်လာတာလေ မရဘူးလား''

''ဒါမင်းအလည်လာချင်တိုင်းလာလို့ရတဲ့နေရာမဟုတ်ဘူး ပြီးတော့ငါအိမ်ပြန်တော့မှာ ငါ့ကားပေါ်ကဆင်း''

''မဆင်းဘူး အရင်ကတော့ရှင့်ဆီနေ့တိုင်းလိုလိုလာတာတောင်ဘာမှမပြောပဲနဲ့''

''အရင်နဲ့အခုနဲ့မတူတော့ဘူး အခုဆင်း''

''ဟင့်အင်း ဧကရီ့ကိုတစ်နေရာလိုက်ပို့''

''မင်းရဲ့ကားကရော မင်းမန်နေဂျာကရော''

ဧကရီကဆံပင်ကိုလက်ညှိုးလေးနဲ့လိမ်ရင်း

''ပြန်လွှတ်လိုက်ပြီ''

''ဘာ မင်းတမင်လုပ်တာလားဧကရီ''

''အင်းလေ ကဲပါ သွားရအောင် ထုတ်လုပ်ရေးရှေ့မှာအကြာကြီးရပ်နေတာသူများမြင်သွားဦးမယ်''

''ကျစ်''

သူစိတ်ပျက်နေတဲ့ပုံနဲ့ကားစက်အားနှိုးလိုက်၏။
ကားမောင်းရင်းနာရီတကြည့်ကြည့်လုပ်နေသောသူ့အားဧကရီမဲ့ခနဲကြည့်ရင်း

''ဘာလဲ အိမ်ကဇနီးလေးမျှော်နေမှာစိုးရိမ်နေတာလား''

''မင်းနဲ့မဆိုင်ပါဘူး''

''ဟင်းးး ယောကျ်ားတွေများ အပြောင်းအလဲမြန်လိုက်တာ တစ်ချိန်ကချစ်လှပါချည်ရဲ့ဆိုတဲ့သူကလည်းအခုတော့မျက်နှာတောင်စေ့စေ့မကြည့်တော့ပါလား''

''ပြောင်းလဲဆိုတာကလည်းကိုယ့်ရဲ့လက်ရှိဖြစ်တည်မှုအပေါ်မှာမူတည်သေးတယ် ဇနီးမယားရှိနေပါလျက်နဲ့ရည်းစားဟောင်းနဲ့ဆက်ပြီးပတ်သက်ရလောက်အောင်ငါအဲလောက်သိက္ခါမမဲ့သေးဘူး မင်းဘယ်သွားမှာလဲ''

''ဧကရီ့မန်နေဂျာရဲ့ကွန်ဒိုကို အရင်လိပ်စာပဲ သိတယ်မလား''

သူဘာမှဆက်မပြောပဲကားကိုအရှိန်တင်လိုက်၏။

_________

သူ့ကားကကွန်ဒိုတစ်ခုရှေ့ထိုးရပ်သွားတာနဲ့ဧကရီကကားခါးပတ်ကိုဖြုတ်ကာခမ်းနားဘက်လှည့်၍