Fall in Love[completed]

Part.17

Unicode

''နင်ငါ့ကိုဘာမှမပြောတော့ဘူးလား ဒါမဟုတ်နင်အခုထိမယုံသေးဘူးလား''

မေလေးကသူ့အားမျက်နှာလွှဲမယ်လုပ်တော့သူမေလေးမျက်နှာအားမေးကနေဆွဲလှည့်ပြီးသူ့အားပြန်ကြည့်စေ၍

''နင်ငါ့ကိုတစ်ခုခုတော့ပြန်ပြောစမ်းပါ နင်မယုံသေးဘူးလက်မခံနိုင်သေးဘူးဆိုလည်း နင်ယုံအောင်ငါလုပ်နိုင်တာမှန်သမျှနဲ့သက်သေပြမယ် နင်ယုံလားမယုံဘူးလားငါ့ကိုတစ်ခွန်းပဲပြော''

မေလေးကဘာမှမပြောပဲသူမပိုက်ဆံအိတ်ထဲကဆေးစစ်ချက်စာရွက်နဲ့အက်ထရာဆောင်းဓာတ်ပုံအားသူ့ရှေ့စားပွဲပေါ်တင်ပေးလိုက်၏။

''ဒါဘာလဲ''

''ကိုယ်ဝန်ရှိနေပြီ''

''ဘယ်သူလဲ''

မေလေးသူ့အားဂြိုဟ်ကြည့်ကြည့်ကာ

''ဘယ်သူရှိရမှာလဲ ငါပေါ့''

''ဟမ် နင် နင့်မှာကိုယ်ဝန်ရှိနေပြီဟုတ်လား ငါနဲ့ရတာလား''

''နင်နဲ့မဟုတ်လို့ဘယ်သူနဲ့ဖြစ်ရမှာလဲ နင်စကားပြောတာကိုကနော်''

ခမ်းနားကမေလေးအားတအံ့တသြကြည့်၍

''ငါ့ကလေး ငါ့ဗိုက် ဒါ ဒါဆိုငါကကလေးအဖေဖြစ်သွားပြီလား''

''အေး''

သူမေလေးအားဆွဲဖက်လိုက်ပြီး

''ဒါဆို ငါစိတ်ကူးထားတာတွေတစ်ကယ်ဖြစ်သွားပြီပေါ့ ငါ ငါဝမ်းသာလိုက်တာမေလေးရာ နင်ဘာလို့ငါ့ကိုအစကတည်းကမပြောတာလဲ''

''ငါလည်းမနေ့ကမှသိတာ နင့်ကိုပြောပြဖို့ဖုန်းဆက်သေးတယ် ဒါပေမယ့် ဧကရီဖုန်းကိုင်တာ အဲဒါကြောင့်ငါစိတ်တိုပြီးမပြောတော့ဘူးလို့ဆုံးဖြတ်လိုက်တာ''

သူမေလေးအားဖက်ထားရာမှခွာပြီးပုခုံးနှစ်ဖက်အားဆုပ်ကိုင်၍

''နင်ငါ့ကလေးကိုလွယ်ထားရပြီးဘာလို့ငါ့ကိုကွာရှင်းဖို့ပဲပြောနေတာလဲ အကယ်၍ဧကရီသာဒီနေ့မရှင်းပြခဲ့ရင် ငါလည်းငါ့ကလေးရှိနေတာသိလိုက်ရမှာမဟုတ်ဘူး နင်လည်းငါ့ကိုဘယ်တော့မှပြောပြတော့မှာမဟုတ်ဘူး ဟုတ်တယ်မလား''