Deedar e yaar

Part 21

DEEDAR E YAAR
PARR 21
BY SANIYA ALI
IG: EDITSBYSANIYA77
IGNORE MISTAKES

Mohobbat aap kisi aur se karte hai...Aur me kisi aur se...aap bhool rahe hai Mr Armaan...

Usne ek hi baar me 2 ese logo ke naam le diye the Jo usne itne romentic mahol me expect nahi kiye the..vo ek dum chidha tha...

Tumhara din Bina Zain ke khatam hota hai k nahi hota hai?? Usne pucha tha...Saaf lafzo me taana diya tha...

Mujhe nahi pata aapne Alaina se sacchi mohobbat ki hai yaa nahi...agar ki hoti to aapka din bhi uske bagair khatam nahi hota...Nakhli hai aapki mohobbat...
Mera din meri raat.. unhi ki yaado me guzarti Hai..kyu ke mene sacchi mohobbat ki hai...Vo apne shohar ke samne kisi marhoom ki tareef kr rhi thi...vo kehta bhi to kiya kehta...Uske paas aqal thi hi nahi yaa usne kisi ko de rakhi thi.. ye pata lagana mushkil tha...

Vo heraan tha.. ke vo kese uske saamne beth kr kisi aur ke naam ki mala jap rahi hai...Mood to boht accha tha...pr ab kharab ho chuka tha...

Hum kab se chal rahe hai abhi Tak office nahi aaya kiya????Usne armaan ko gaadi jungle ke raste mudate hue dekh kr kaha

Kisne kaha hum office jaa rhe hai..vo beikhtiyaar bola...Lehje me gusse ke chand asraat nazar aarahe the...

To kaha jaaa rahe hai??ye..ye... To jungle hai...aap maar ke phenk to nahi denge mujhe...
Bewakoofi.....Nahi.. Bewakoofi ki intehaa. Vo paar kar chuki thi...

Tumhe maar ke phekne ke liye mene shadi ki hai tumse...Dimag jagah pe hai yaa kiray se chadha rakha hai...

Nahi.. mene sunaa tha..aap jese bade log kuch bhi kr sakte hai...usne ab uski ameeri ko nishana banaya tha....

Haa 15 Aurtein maar ke phenk chuka hu jhungle me tum solvi ho..Aur tumhare baad Alaina ki baari hai...

Sharam karein...ye kis kisam ke behuda mazak kr rahe hai..usne kaha tha...

Aur tum kis kisam ki fazool baatein kr rhi ho..Tumhe lagta hai me kisi ko maar sakta hu..

Dil kehta hai nahi maar sakte.. pr dimag kehta hai aap kuch bhi kr sakte hai....

Phir to dimag hi sahi hai..kyu ke tumhare liye me kuch bhi kr sakta hu..gaadi ab jungle se bahar aa chuki thi...Car jis road pr chal rahi thi...ushi road ke kareeb ek lambi neher (Jheel) bhi unke saath saath chal rahi thi.....Har jagah hariyali thi...Parindo ki awaaz din ke 12 baje bhi kaafi saaf sunai de Rahi thi....

Usne beikhtiyaar iski taraf dekha tha...

Khair...Acchi lag rhi ho..!!

I know!! Usne kaha tha...

Ishi jawab ki tawakku thi mujhe..kehte hue usne break lagaya tha...

Ye kaha aagaye???usne samne ka nazara dekhte hue isse kaha....

Vo Farmhouse tha.. Sukoon,Hariyali,behti hui neher Mousam,aur waha khilne wale tarah tarah ke phool...Maano alag hi ehsaas dila rhe the..

Vo gaadi se utri thi..neher ke kinare bada sa farmhouse bana thaa..jispe kaam esa Kiya Gaya tha.. ke dur se dekhne pr kisi ko bhi vo lakdi ka ghar hi lage....

Ushi ke kareeb ek choti si boat (Kashti) thi..jo ke khunte se bandhi thi....

Dusri taraf Lakdi ke tukdo se waha ek chota sa pool bana tha..jo ke idhar se udhar jaane me kaam aata tha...

Oho...vo uss behti hui jheel ke paas Beth kr paani se khel Rahi thi...vo samne khada maano ushe ese dekh raha tha jese koi baccha khel raha ho....

Accha hai?? Ab vo iske kareeb akar ghutno ke bal kisi patthar pe betha tha...