#كـسـر الـتـرائـب
#الـكـاتبـة:هـبـه جـاسـم
لاتنسون التصويت+ التعليق بين الفقرات+ متابعة لحسابي
•=•=•=•=•=•=•=•=•=•=•=•=•=•=•=•=•
رزان::-
انداريت ع علي ابن عمي الجديد وركزت بعيونه وهو باوعلي بنضرات خمشت كلبي بقيت فاتحه عيوني ع وسعهه.
نفس النضرات نفس العيون نفس كلشي هو صافن عليه واني انتبهت لنفسي نزلت عيوني وكمت اريد اصعد فوك وامي جرتني.
سرى: هاها وين رايحه تغسلين المواعين وتسوين جاي يلا تصعدين.
رزان: اهووو يعني كله عليه مو اجن بناتج ثلاثتهن خل هنه يغسلن.
عمامي كلهم خلصو وكعدو بلاستقبال ف بس ولد عمامي كاعدين واني وياهم علاقتي قويه عبالك جماعتي.
: عبوري انت اغسلهن وياي فدوة.
عبدالله: عبوري شنو ولج احترمي نفسج لج ادبسز.
: اقصد عبودي حباب حباب والله هواي مواعين وعندي امتحان الاحد.
علي: اني اغسلهن وياج.
صفنت عليه لحضات واستوعبت كلتله: لا انت خطار ميصير تسوي شي.
علي: ليش تحسسوني اني غريب؟!!
رزان: لا يابه غريب شنو بس لان انت خطارنه اليوم ان شاءلله الجمعه الجايه المواعين كلهه عليك.
ضحك هو والولد وخليتهم كلهم يعزلون وياي رضا اخذ الجاي وبقه وي عمامي و ولد عمي 4 وياهم علي ساعدوني عبودي لف الشال ع راسه سواه عصابه وكف ردانه ويسوي حركات نسوان فطسني ضحك.
علي جاب سفطة مال مواعين جاي يخليهن يمي ع السنك رفعت وجهي صارت عيني بعينه ما كدرت اسكت وكلتله: والله هذا انت.
باوعلي وكال شبيج شنو هذا انت.
تقربت عليه اكثر وكلتله: احلف مو انت، احلف ما جنت تجي يم مدرستي.
ضحك وكال: شبيج بابا يا مدرستج والله يا ربي خل اولي اشرب جاي يمهم احسنلي عود اجيت اساعدهه
: لا تساعدني ما عايزة عليك شوف المعدلات تارسات المطبخ مكفيات وموفيات شوف عبوري شلون يجلف اويي فدوة لايدة.
ركعني عبدالله بلجلافه يكلي ترة بلعباس اعوفج واروح.
: شبيك شكلتلك اني هيج اني متعبتكم المفروض تكولولي انت طالبه سادس روحي اقري احنه نغسل وانت اقري ارتاحي. واحجي ومنفعله وعيوني بيهه دموع.
جان علي واكف مرتكي ع الباب هز ايدة وكال: الله يساعدكم شلون متحمليهه.
اني انصدمت شلون كال هيج وكلبتهه مناحه بلمطبخ وهمه يردون بس يسكتوني.
أنت تقرأ
كسر التراَئب
Humorجميعهم راغبون بالتغيير بحرق كل ما يحييهم من جديد يعيشون في ضلام فيها الأجرام وسفك الدماء. أرض عطشة تفتقد فيها الوفاء ليس بخلو مكان أشخاص أقوياء. من عليم وشاعر وحكيم قوتهم من مذاهب القول لكن جميعهم مقصد في الصميم أعلموا الضيغم جفلة. الظبي وأمحا شئ...
