كسر التراَئب

الكسر السادس

كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

رزان::-

صحيت من النوم بسبب كابوس، گمت الهث من الخوف نزلت لكيتهه الساعه4 ونص صايرة صلاة الصبح نزلت شربت مي و توضيت وكعدت ع السجادة بقيت ابجي بدون سبب صليت واني ادعي لعلي من تذكرته وشلون كلبه ملچوم ع اخته: يارب كون اكدر اساعده بشي ولو بسيط.

بقيت ع السجادة من كملت صلاة ورجعت غفيت ع التربه واني لابسه چادر الصلاه شكد مريح هاذ الشعور.

للضهر اسمع صوت احد يمي يهز بيه فزيت مرتعبه،

حسن:يمهه ولج وكفتي كلبي عبالي متتي وانتِ تصلين صلاة الصبح.

رزان:ههههههه گمزتني ولك لا ما بيه شي بس غفيت ع السجادة تعال تعال لتخاف.
حضنته لصدري وبقيت اسولف وياه، حسن اخويه الصغير صف اول متوسط.

حسن:البارحه جنت اگلب بليوتيوب وشفت واحد يصلي ومات وبقيت خايف وهسه من كعدت لكيتج انت هيج مجطولة عبالي انت هم متتي.

يحچي ببراءة ضحكني خوفه عليه جان كلش جبير شكد حنون هلولد.
نزلنه اني ويا لكينه ماما تسوي الغدة.

رزان: صباح الخير.

سرى: صباح الضهر.

رضا:تعالو اخواني تريگو ويايه معليكم بيهه.
اجت امي شايلة الچفچير هدت ع رضا.
:يي حقهم ينامون للضهر اذا هو اخوهم الچبير ضارب الدوام بعرض الحايط وضال نايم للضهر.

سكت رضا ما حچه وياها، اني ما خايفه لان اصلا عندي اجازة، بس حسن جان غايب ما داوم.

سرى: وانت حسيون ليش ما قبلت تداوم.

حسن: يمه عليج الله عوفيني بلعباس ما عدنه شي.

رضا:رح تخلص السنه وانت من بدايتهه ما عندك شي.

رزان: عشتوو شوف منو يحچي ههههههه.

ضحكنه وبقينه نسولف امور عاديه وناكل ومشت الايام طبيعيه لا شفت علي ولا اي احد من ولد عمي ولا احد اتصل عليه.

فتحت الضماد و مشيتي صارت طبيعيه. خلصت اجازتي ولازم اداوم، فتحت الگروب مال صديقاتي ابد مداخلتله من بعد الحادث. دزيتلهن.

💬: اهلين حبايب ئلبي شنو نسيتني نايمات كاعدات.
ورة فترة ردت عليه فاطمه.

💬: يا هلا بروزه شلونج شلونه صماخج.

: بخير مشتاق لكفخاتج ههههههه.

فاطمه: مشتهيه اعضج من راسج.

: نجبي فاطمه عوفي هاي سوالفج والله بعدة يوجعني بس فتحت الخياط ترى.

بعدهه ما كاتبه واتصلت نرجس بينه اتصال جماعي بلگروب. وردن زهراء ووردة هم ويانه. وسوالف وضحك ويحششن عليه.