كسر التراَئب

الـكـسـر الـثـامـن

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

     
رزان::-

دخلوا واشوفه كبالي حالته حاله وبي ريحة شرب تكتل، شوصلك لهل حالة ليش هيج ولك ليش.

اول مرة اشوف عباس بهذي الحالة ومصدكت هذا هو نفسه اصلا انقهرت واني اتذكر انو هو اقرب واحد الي من ولد اعمامي وبمثابه رضا شلون يجي هيج سكران ويكولي احبج واريدج، صعبه كلش عليه.

لزمتني رجفه مو طبيعية من بشاعة المنظر جان كلش سكران وحالتة حاله وريحة الشرب قويه بچيت وهو گال: لا تبجين روزتي تعالي يمي لا تبجين ماكو شي.

تقربت منه، ضربته كف كلش قوي بقه صافن بوجهي واني بقيت اعاتب بي واحجي وياه.

رزان: ولك عباس شلون هيج تسوي، ولك مو جنت معتبرني بمثابه اختك، مو جنت عبالك بنتك الصغيرة تطلعني ونتونس سوى واحبك حالك حال رضا وحسن، بس هسه..هسه كلشي حيتغير وبسبب منو بسببك انتتت انتت هيج سويت بيدك رح تخرب علاقتنه وبعد يا عباس اذا اشوف وجهك كبالي فـ متلوم اله نفسك.

ما خليته يحجي او يفتح حلكة ثانيه وحدة استلمته بلكلام والعتاب رحت لغرفتي وقفلت الباب اسمع صوت هوسه صارت جوة بقيت ابجي بزيادة من تذكرت شلون دخل وهو سكران ويريدني،  اخخخخ ياربي احسس انحرمت من اخوي بهاذي اللحظة ما اعرف ليش، بس بنفس الوقت قلبي قسى عليه بسبب اسلوبة.

نمت واني ابجي ما احس اله الساعه بالوحدة الضهر بقيت ابجي واكمز بدلت ركض ونزلت لكيتهم كلهم كاعدين عادي.

سرى: يمه اسم الله هاي شبيج اوكفي اوكفي شكو مبدله.

رزان: ماما راح عليه الدوام.

رضا: جيرة بفرگج يا دوام وين اكو دوام الجمعه.

صفنت صفنه ابو صابر المعتادة وكلهم فطسو ضحك، جانو متريكين وامي تسوي الغدة اكلت شي خفيف لان مسوين دولمة.
كعدت اتحارش باخواني، وبابا يحاول يفتح ويانه مواضيع بس ما نرد عليه، اني كلش اختنك من اتذكر كلام علي اتخيل ابوي وامي صدك انقهر بمجرد اتخيلهم.
عيوني دمعت واني صافنه بالفراغ.

وسام: شبيج بويه منو مضوجج؟
اذا من موضوع البارحة ف عباس تورط وي جماعه وخلوله كحول بلعصير وهو..

قاطعته وگلتله: اخر همي عباس دا افكر بالامتحانات قربت واحس مضابطة المواد.
وسام: اسجلج خصوصي؟  تريدين ادخلج معهد؟

رضا: لا بويه تتيه عليهه خطيه خليهه ع شرح مدرساتهه واذا تحتاج شي اني ادرسهه.

جان رضا صيدلاني وشاطر كلش بدراسته فـ من احتاج احد يفهمني اروح عليه.
رزان: اروح فدوه لهل سكسوكة مال اللمبي.
رضا: يبووو رجعت لسوالفهه عمي رجعي معقدة روحي اعتزلي بغرفتج.