كسر التراَئب

الـكـسـر الثاني عَـشر

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

رزان::-

رضا: شنو سمعته گالج  چنتي تحبيني وتحترميني احچيلي شنو علاقته بيچ.
_مالك دخل اخيي رجاءً لا تتدخل.
جراني من ايدي صرت قريبه كلش عليه وجه بوجه صرنه.
رضا: غصبً ما عليچ الي دخل وما اخلي احد ياخذچ مني.

بقيت مصدومة من جرائته، وكميه العصبيه الي عندة.
وخرته مني وبقيت ابچي وادگ ع السيارة اريد ينزلني.

نرجس: نزللنييي مخبل انت مخبلل مو عاقلل.
رضا: اطربيني بصوت بچيتچ، الله نغمه نغمه مو بچيه.
_والعباس اگول لابوي من نرجع.
_منو گالج ارجعچ لاهلچ.
وجهي فلت من گال هيج، ضربته حيل واصرخ.
_يمهههههه تريد تخطفنييي، ايااا حقيررر، يا چلبببب، هاي اختك الچلبه متفقه وياك ضدي شلون تسمي نفسهه صديقه؟؟
احچي وابچي، هو ممهتم خله جگارة بحلگه ويباوعلي رافع حاجبه.
بقيت صافنه عليه من وصلني لباب المدرسه، من شاف ردة فعلي بقه بضحك بصوت عالي.
_صدك اطلع مخبل اذا خطفتج، شسوي بيچ بس دوخة راس يلا نزلي امتحني.

احس بفشله هيچ سويت عبالك زعطوطة، دخلت للمدرسه البنات كلهم ماكو سمعت حوراء جايه بس بالادارة تمتحن مدري شنو.
ما خلوني ادخل، رحت امتحنت وانتظرت ينتهي الدوام..

دگ الجرس وطلعت، لگيته واگف منتچي ع السيارة يدخن جگارة.
رضا: ها جاوبتي؟
نرجس: شعليك جاوبت او لا.
هز راسه وصعد، بقه يحچي مواضيع واني انتر بوجهه لو اغلس ما اجاوبه.

نزل للمحل گال هسه اجي، من رجع چان بأيدة عصاير  اثنين وعلاگة حلويات.

انطاني العصير والحلويات من الجامه، وبقه صافن بوجهي عبالك ما رح يشوفني بعد.
_خيرك؟؟
_اخخخ بويه والله تعبتيني.
_شمسويتلك يمك گرباك اني.
_شوكت تحسين بيه.
_اني انسانه خاليه من الاحاسيس والمشاعر ف رجاءً لا تحاول وياي گلبي ميت.
_يصير خير.
_شو جايبلي حلويات وكذا!؟
_هاي وداعيه.
_لا ان شاءلله مو وداعيه بالامتحانات انت هم اخذنه.
_الله كريم.

شو يمشي واني اشرب بالعصير وانطلقت اسولف وفرحانه، وهو فرحان اكثر مني چان منتظر هاي اللحظة من زمان.

رضا: نرجس احبچ
حچاها بدون مقدمات، ملامح وجهي جمدت، بقيت ما اعرف اتصرف.

نرجس: شبيك ما تستحي ما عندك اخوات؟؟؟
_والله احبچ مو بس كلام صرت مهووس بيچ دائما اتخيل تفاصيلچ، ضحكتج، سوالفچ، كله اتذكرة قبل ما انام وبأي وقت.

احس اختنگت وعيوني دمعت.
نرجس: اعذرني ما اگدر أثق بأحد بعد، كلكم مو ثقه انتم.
رضا: وليش ما تثقين بيه؟ شفتي شي بيه معاجبچ؟
_مو قصه بيك شي بس مريت بتجربه اني، وما اريدهه تنعاد.
_احچيلي.
_من ارجع اسولفلك بالتلفون.
_ماشي يلا ديري بالچ ع روحچ، واعتذر لان زعجتچ وذكرتچ بالماضي.
_لا عادي اصلا منو گالك ناسه الماضي اني؟