كسر التراَئب

الـكـسر السـادس عـَشـر

كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

زينب::-

الـصبح، صحيت من النوم واني اباوع لوجـه رقيه خايفه عليهه حتى من الهوى.

اندگ البـاب وراحـت ليلي فتحته، رحـت شمرت الشـال شـلون مچان ع راسي أتأمل احد من اهلي اجة.

دخل رجال يجي عمرة بلـ30،بـأيدة علالـيگ مسواگ ودخل بوجهه للمطبخ.

رحت سـئلت ليلي عليـه گالت: هذا بابا تيم.

_شـيسوي هنـا؟
_بـابـا تيم يجيب مسواگ ويجي كل يومين.

هزيت راسـي ورحت اگعد رقيه حتى اوكلهه.
گعدتهه احجي وياها، ما گعدت اعرف بيهه نومهه ثگيل رجعت اگعد بيهه مچانت تحرك لا ايد ولا رجـل.

صـرخت صرخه رجت البيت كلـه، احبالي الصوتـيه تقطعت واني اشوف بنتي بهل حاله.

دخل تيم وليلي، تيـم دفعـني ويحجي وياي يريد يفهم مني، اني اجر برقيـه واصرخ.
_بنتي بنتي راحت.

جر رقيه وطلع يركض واني الشال وگع من راسي بس فقدت اركض وراه.
جانت سيارته بالباب، صعدهه بسرعه ومن شافني بلا حجاب صاح على ليلي تجيبلي شال.

لبستني ليلي الشال، وصعدت ابجي وخاله رقيه بحضني، لو صار ببنتي شي شسوي بروحي اني.
تيم جان يسوق عبالك طيارة ما يشوف شي كدامه ع يا ساعه نموت ثلاثتنه.
وصلنع مستشفى قريب، واخذوهه للطوارئ.
حلگي چان يابس واگفه گبال الباب واندب ربي.

_ربي ما عندي غيرك وغير بنيتي، ربي لا تحرمني من شوفتهه ليش هيج جاي يصير بينه اني وبنتي يا إلٰهي.

وگف تيم وراي انطاني بطل مي وگال: ميخالف اصبري الصبر حلو الله جاي يختبرج وخلاج بـهل مصايـب ما اعرف شنو الي مريتي بي بس الـمهم احمدي ربچ دائما وابدا لا تعاتـبينه الله ما يضلم عبادة.

هزيت راسي واحس حيلي مهدود ما قبلت اشرب مي طلبت منه يخابر علي.

راح وگف ع صفحه حچه شوي بالتلفون واجـه يمي.
تيم: علـي هسه بالمستشفى.
زينب: هاااا شبي بالمستشفى شصاير.
_اوكفي لحظه لا تخافين يم ابن عمه بالمستشفى راح يطلعو گال ابقى يمهه اي شي يصير خابروني، ووشسمه.

حك ارنبه خشمه وگال: گال ممنوع تخابر اي احد لان محد يدري بمكانهه.
_يعني شنو هسه؟
_يعني محد راح يجي، لا تخافين اني يمج ان شاءلله ما بيهه شي.

رحت گعدت ع الكرسي وابچي انتظرنه شكد، اخر شي طلع الدكتور.
گلبـي خمشني كل حيل ما بيه، ما بيه اسمع خبر يوجع گلبي بعد.