كسر التراَئب

الـكسر الثـامـن عَشــَر

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

رزان::-

_عـ علي... هوة. هوة هذا.

علي: فاروق؟
رضا: شجابك هنا ولك؟

عقلي فصل، هو نفسه هذا الي دزلي تهديد نفسه الي جان يراقبني من جنت بالمدرسه، منو هوة شنو فاروق وشلون يعرفونه.

اباوع لعيونة حمرة دمم، ويشبه علي طبق الاصل.
_علي فهموني منو هذا؟
فاروق: انه فاروق

_افتهمنه اسمك فاروق بس منو انت وليش هنا وشتريد.

صدمني من تربع بالباب وشغل جكارة نزع اللثام.

: اول شي اعرفج عن نفسي اذا ما تعرفيني، انه فاروق واصير...

بعدة ما حاچي وما نحس اله اجته دفرة ع وجهه من رضا.

رضا: لك كلب شعندك هنا.
فاروق: شفت اخوي الزود ساكت گلت اجي اشوف شنو الوضع، شو لگيت اخوي غرگان بحب الست رزان.

رزان: اخوك؟؟ غرگان بحبي؟ شبي هذا شديخرط؟

علي: بس خل ندخل ونتفاهم.

خابر رضا ابوي گال ما يجي اليوم عندة شغل، وامي ببيت اهلهه وحسن ببيت خالي.

دخلنه للبيت وگعدو بالاستقبال، اني ممستوعبه شي ولا اعرف الي ديصير.

فاروق: اسمعوني ولا تناقشون وتلفون وتدورون خلوني احچي بسرعه واطلع ما اكدر ابقى ببيت نگس.

رضا عيونه صارن بگصته بس گوة ساكت لخاطر علي.
_اني فاروق ابن سعاد، اني وعلي اخوان بس من غير اب اني يعني مو ابن عمكم.

طگيتهه صفنه طويلة اريد استوعب.
رزان: زين علي ليش من تسولف ما تذكرة بالسالفه چان عايش وياكم هوة؟

علي: لا بيوم من الايام احمد عمچ طردة من البيت ف راح لاهل ابو الله يرحمه وسافر وي جدة، من رجع عرف كل الاحداث الصارت لهسه هو مثل المخبل ما ينام ليلة اختي جانت اعز انسان لگلبة.

_وهسه شتريد؟
_اريد اخذ حق اختي وامي.
_ليش متشتكي لعد اذا تريد حقك؟
_ما اكدر اشتكي ما اگدر، حاولت هواي ومصار شي وتنسد السالفه بس هلمرة مستحيل اسكت بعد واريد اخذ حقهم بأيدي.

علي: اني شگلتلك فاروق ليش متسمع كلامي؟

ضحك فاروق وكال:

_علي عوف دروبك ع صفحة، ترة انت واگع ع وجهك، عليي اصحة.
گام علي لزمة من خناگية قميصه وبقة يصيح عليه، نزل فاروق ايد علي وهمس بأذانه، رجفت ايد علي وگام طلع بالگراج.