كسر التراَئب

الـكـسـر الـحـادي عـَشـر

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•

         
رزان::

يوم مليء بالنشاط والحيويه اجواء ربيع كلش حلوة، گعدت ابدل وارتب روحي لاخر امتحان شهري حتى بعد اقرا للوزاري.

نزلت جوة چانو مجتمعين ع الريوگ كلنه دوامات رضا نزل وراي چان كاشخ عبالك عندة عرس كالعادة وعطرة يمشي گدامة الف متر.

رزان: اريد اعرف شنو ماركة العطر الي تستخدمه، نوب شكد فگور خاف اخلي منه مدري وين يضمه.

رضا: يبوووو شلون صباح هذا استغفر الله.
وسام: شبي؟
_يخبللل.
_شوكت ازوجك حتى تعقل خال عقلك وي عقل الجهال.
_صدكك تريد تزوجنيي؟
_هاا عندك وحدة ولك؟
_احممم لا وين الجامعه الي ادرس بيهه كلهن مو ذوقي.
رزان: بويه اني اگلك شنو ذوقه.
عدلت گعدتي وتحمحمت: اول شي يريدهه صغيرة وطولهه ميه وستين،  وعيونهه حادة، ومربربة بس جسمهه ساعه رمليه، ووولطيفة وطفوليه، وشرططط اسمهه يبدأ بحرف النر......

ما خلاني اكمل طفر عليه يريد يكتلني واني اصرخ گوة ختلت ورة امي.
امي چانت هادئة ابد ما تحچي، تشتغل وهيه ساكته گانو دتخطط لشي بحذر.

وسام: هاا ولك كلاوچي طلعت عندك وحيدة.
_لا بلعباس جذابههه تمضرط بكيفهه.
رزان: يلا ميخالف ميخالف لا تخجلل يبووو وجهه صار طماطة.
رضا: امشي الخايسه امشي اخذج للمدرسة واولي تأخرت.
وسام: تزقنبو بالاول.

اكلنه وحسن يحشش يكول منيه هاي المربربة الي يحبهه رضا.
كل شوي رضا صايح علينه.

طلعنه بلسيارة وهو صفن ع وجهه بلمرايا ويسوي حركات يشوف تعابير وجهه يفطس ضحكك.
وگفنه يم بيت زهراء، طلعت تعبانه وعيونهه منفوخه وحمرهه.
بقيت مصدومه بشكلهه ومشيتهه الهزيلة.

رضا: خيرج زهراء؟!
_ما بيه شي بس مريضه فلاونزة.
_ي هو هذا الجو يمرض.
بقه يحچيلهه بالادوية الي لازم تاخذهه مدري شنو چانت اسمائها.
اني جنت اعرف زهراء شبيهه، علمود عاصم ووردة، جنت اريد بس اسوي شي حتى يرجع عاصم القديم شبيدي عليه استحي اكول لرضا وعلي مسوين لعاصم سحر.

رزان: قريتي؟
زهراء: يعني مو كلش.
_لا تخافين اني اغششچ.
_يمعودة نوب توگف علينه ست نوريه ياهو يغش منهه.
_مالچ شغل اني خبرة عسى ما نتبادل بالاوراق متشوفنة.
_اول وتالي داخلين وزاري قريت ع كد الاحتاجة.
_الله كريم.

گلت لرضا نجيب ياسمين ويانه لانو هيه اتصلت علية، وجذب اتفقنى اني وياسمين علمود نصير هواي ونرجس تكعد ليكدام.

دليته ع البيت واجت ياسمين صعدت سلمت، ووصلنة لنرجس دگ هورن مرة ومرتين ماكو.
ركزت ع الباب اشوف من جوة حذائها، جاي تخبث ع رضا حتى نتأخر.
نزلت دگيت الباب عليهه، فتحته گالت: اسفه تأخرت جنت البس بالحذاء.
صعدت وهسه ساعه تمشي بطيء هو صار عصبي ناررر، عاط بيهه.
رضا: يلااا الفاهيههه.
نرجس: ااويي شدعواك عيني المفروض ابو الخط يصير صبور وينتظر الطالبه مو يصير عصبي هيج.
_صعدي خبلتيني صعدي.
_ااذا ازعجكم عادي ما اصعد اروح تكسي.
_صعدي لچ تكسي شنو لعد المن سويت خط اني.