كسر التراَئب

الـكسر الـسـابع عـَشـر

#كـسـر الـتـرائـب

#الـكـاتبـة:هـبـه جـاسـم

لاتنسون التصويت+ التعليق بين الفقرات+ متابعة لحسابي

•=•=•=•=•=•=•=•=•=•=•=•=•=•=•=•=•
زينب::-

الحيرة اكلتـني شلون هسه قفل الباب منين انهزم، معقوله يجون ابوي وجدي.
گلبي يوجعني وبقيت افتر وافكر رحت للباب الخلفي مال بيت فتحته وبسرعه انفتح.

انتبهت من بعيد واحد ملثم اجة قريب مني، عبالي حرامي ردت اقفل الباب وهو ركض لزمة للباب وهمس:
_هششش لا تصرخين ولا تطلعين صوت انه جَراح.
ايدي رخت ع الباب وتنفست براحة، باوعت عليه وسئلته.

_تيم كشفنه؟
_ما اعرف بس يمكن شك قفل الباب ولهسه هو هنا ف راح اطلعكم منا.
_والله حايرة وخايفه ما اعرف بيمن اثق.
_براحتج تردين تبقين؟ ترة باجر جاي جدچ هنا.

شهگت وهو سد حلگي بأيدة، وخر وتحمحم. سئلتة:
_شمدريك؟
_سمعت تيم يحچي بالتلفون گال "موجودات نايمات جوة قفلت الباب عليهن،، هلا بيكم،، ناخذهه بحذر بدون متدري"

رجفت شفايفي رحت جبت الجنطة مالتنه، وشلت رقيه وطلعت بسكوت.
امشي وارجف خايفه من المجهول، شنو راح يصيرلي وين راح اروح.

طلعنه ع غير مزرعه وظلام تام وهدوء،  الهواء بدأ يعلى واصوات گلبي بقت تنسمع.

چنت لابسه نعال وگوة امشي فـ جَراح اخذ رقيه مني، صار ضوء قوي ورانه.
اجة جَراح سحبني ختلنه ورة الزرع، عيوني مليانه خوف گوة خانگة روحي حتى اسكت صوت رجفتي.

جَراح: صوت نفسچ عالي گطعي.
زينب:  ما اكدر ما اكدر ايدي انشلتت.

باوعنه من بين الاشجار نشوف رجال لازم لايت چبير ويضوي يفتر ورجع.

جَراح: شوفي راح نطلع من هذا الباب اكو سيارة بيهه ولد صعدي وياه بدون صوت ولا تناقشين هذا اخوي عساف ثقي لا تخافين بس يوصلج لمكان آمن، واني اروح اجيب علي واجي.

زينب: شلون شلون اصعد وياه جَراح اني ثقيت بيك فدوة لا تغدر بيه مثلهم.

صار مقابيلي يعدل رقيه بحضنه، باوعلي مبتسم.
اني حچيت لعلي كلشي وهو عندة علم انت وياي، وعندة علم بمكانچ وين راح تروحين.

طلع تلفون صغير من جيبه.
_هذا التلفون خلي يمچ بي بس رقمي ورقم علي اي شي يصير خابري علينه.

_شنو راح يصير؟
_ما يصير شي بس حتى تأمنين، اخوي صغير عمرة19 قابل يخطفچ انت بگد امه.

_ترة عمري 24 بس من الضيم صرت اكبر من عمري مرتين.
_ههههه الله يحفظج ويحفظلچ رقاوي، يلا گومي ع كيفچ خل نطلع منا.

طلعنه بهدوء لازمة الجنطة بأيدي وهو شايل رقيه، طلعنه من الباب بحذر وشفت سيارة اشرلي عليهه اروحلهه.