غرور وكبرياء عشاق..
في قصر الحاج فوزي العمري كان حفيده الكبير بيزعق وبيقول
غسان بغضب: ازاي حتة شركه لسه طالعه من يومين توقع شركه العمري ازاي..
الجد فوزي: ابقى شوف الشركه دي يا ولدي وحاول تعمل معاها صفقه عشان شركتنا اللي بقت فالأرض دي
ريان الحفيد التاني: باين ان الشركه دي وراها حد كبير
غسان بغضب: مفيش كبير غير ربنا
ريان: ما انت كنت بتقول كده على شركتنا
غسان بغضب: اسمها شركتي مش شركتنا فاهم
كان ريان هيرد بس قاطعه الجد وهو بيقول بغضب: انتو هتتعاركوا قدامي ولا اي
غسان وريان في صوت واحد: احنا اسفين يا جدي
الجد: خلص الكلام غسان روح اعمل زي ما قولتلك
غسان: حاضر يا جدي
مشي غسان وطلع على القاهره عشان يشوف اي الشركه دي
تعريف...
الجد فوزي: كبير عائلة العمري عنده ٨٥سنه عنده حكمه وقوة
محدش يقدر يجادل معاه في الكلام وصاحب اكبر شركات في مصر والشرق الاوسط كله العمري جروب (شركات العمري)
نجيب: الابن الاكبر لفوزي عنده٦٠سنه بيدير شركات ابوه وماسك فرع القاهره وبيشتغل فيها اولاده غسان وريان
غسان: شاب وسيم جدا عنده٣٦ سنه وسيم بارد الملامح كارهه للنساء بيدير شركه ابوه عصبي جدا ذو شخصيه حاده وقويه جدا
البنات بتخاف منه حتى عامل سكرتير مش سكرتيره من كتر كرهه للنساء...
ريان: اخو غسان وابن نجيب شاب وسيم طويل مفتول العضلات عنده٢٨سنه زير نساء بمعنى الكلمه مرح جدا ماسك قسم في الشركه ووقت الجد بيتحول لشخص تاني
احمد ابن فوزي التاني: عنده٥٩سنه ماسك فرع الاسكندريه عنده بنتين اسماء وريهام
ريهام: بنت في الثلثينات من عمرها متجوزه واحد من نفس مستواها وعندها طفلين
اسماء: بنت في اوائل العشرينات وقفت تعليمها برغبه منها بتحب غسان وحلمها تتجوزه وامها وام غسان وريان متوفين
في مكان تاني...
كانت نازله من العربيه بقوتها وجبروتها وكبريائها ووراها اتنين حراس دخلت الشركه وعم الصمت لوقت واللي قطع الصمت ده
صحبتها نغم
تعريف...
حور: بنت في اوائل العشرينات عندها قوة وكبرياء وجبروت وبارده جدا بتشتغل في الشرطه لكنها متخفيه لأسباب هنعرفها بعدين والكل بيعملها الف مع انها سنها صغير كانت عايشه في ايطاليا مع صحبتها ورجعت عشان تنتقم وتاخد حق ابوها وامها واللي هنعرفه في الاحداث الجايه...
نغم: صحبت حور الانتيم يعرفوا بعض لما كانوا فالإعداديه
بنت فالعشرينات من عمرها جميله لأبعد الحدود رقيقه وحساسه مرحه جدا بتحب حور جدا بتشتغل دكتورة ومحجبه عكس حور في الاسلوب وطريقه اللبس
دخلت نغم بالسولبيت بتاعتها وهي عامله زي الاطفال
نغم: مالكم عاملين كده ليه لما شوفتوها كأنكم شفتم عزرائيل
كتمت حور ضحكها ورسمت البرود
حور بحده: نغم ورايا عالمكتب
نغم بخوف مصطنع: حاضر يا ريسه
كتمت ضحكها عليها وراحوا المكتب دخلوا المكتب وحور انفجرت فالضحك على شكلها وطريقتها
حور بضحك: يخربيتك هتبوظيلي هيبتي بين الموظفين وايه اللي انتي لبساه ده ده منظر دكتورة يا اخرت صبري
نغم: في اي مالك مش بفرفشكم يا اختي مش بضحك معاكي شويه وايه هو انا لبسي ماله وحش ده حتى لايق عليا
حور: ماشي يختي... وهما قاعدين يتكلموا سمعوا صوت زعيق من بره المكتب راحوا يشوفوا واتصدموا لما شافوا واحد طويل بعضلات ووسيم الملامح..
نغم:اوبااا مين المز ده
حور: استني يا شيخه نشوف مين ده ومين اللي زقه علينا
غسان: فين البهيمه صاحبت الشركه
حور: على اساس انك مش نفس الفصياه يعني
غسان: اممم يلا ياشاطره روحي نادي اللي مشغلك
نغم: اتكلم عدل ولم نفسك يا استاذ
غسان بستهزاء: اه ونتي بقى الخدامه
حور بعصبيه وهي بتهجم على غسان: لما تيجي تغلط فيا افتكر اني ممكن اسامحك لكن تغلط في صحبتي تبقى بتقول يا شر اشتر انا صحبتي متهانتش في بيتها يجي واحد زيك كده جربوع ويهنها يبقى كل نفس ذائقه الموت
نغم: خلاص يا حور عيل وغلط
حور: انتي سمعتيه قال اي
نغم: خلاص سبيه
حور: عشان خاطرك بس لكني لسه مخدتش حقك واتكلمت ببرود: انت بقى عاوز اي..
غسان بسخريه: عاوز اللي مشغلكم عشان هتترفدوا انهارده
ضحكت بسخريه وقالت: هه انا اللي مشغله المكان ده عايز اي انجز
غسان: انتي وقعتي شركه من اعرق وافخم واقدم الشركات في مصر
حور: طب الحمدلله
غسان وهو بيجز على سنانه: والشركه دي يا كتكوته بتاعتي
حور ببرود: كمل...
غسان بغضب: دي شركه فوزي العمري
اتصدم حور ونغم وقالوا بصدمه ونفس واحد: نعمم
غسان: اتصدمتوا صح
حور بغضب ونبره كسره: ربنا يخليني واوقع الباقي عشان اخد حقي منكم
غسان بعد فهم: انا مش فاهم حاجه
حور: مش لازم تعرف كل حاجه في وقتها...
اتنرفز ومشي
نغم: اهدي كده وصلي عالنبي ماشي
حور: ماشي
نغم: همشي انا اروح شغلي وهرجع على بليل كده
حور: تمام..
في مكان تاني...
كان سليم زي عادته كان ماشي مع بنات وسكرانين وهما بيسوقوا العربيه وفجأة طلعت عليهم عربيه واتخبطوا وعملوا حادثه...
في المستشفى...
نغم: والله انا زهقانه مفيش شغل
حور: ربنا يكرمك... ده انتي من شويه كنتي عماله تقولي يارب ما حد يجي
ضحكت لكنه سكتت
حور: مالك يا بت سكتي كده ليه
نغم: استني كده في صوت بره.. اقفلي كده
حور: استني فهميني... قفلت وحور قالت: انا لازم اروحلها دلوقتي وقالت للحراس: هات بقيتكم وتعالوا ورايا...
في المستشفى...
كانت واقفه بتشوف في اي لقت الشاب اللي كان بيتخانق معاهم في الشركه الصبح
غسان بزعيق: دكتور بسرعه... اخويا هيموت...
مدير المستشفى:نغم دخليه اوضه العمليات بسرعه..
غسان بسخريه: وهو مفيش غير دي اللي هتلحقه دي زي العيال دي دكتورة دي... مردتش ومهتمتش وكانت بتبص على الشاب اللي مغمى عليه...
قعد يشتم ويستهزء منها واثناء وهو بيشتم عليها دخلت حور هي والرجاله...
حور: استني...
نغم في نفسها: يلهويي يلهويي مش هتخليني اعمله العمليه وقالت: نعم يا حور...
حور: مش هتدخلي تعملي العمليه غير لما الحيوان ده يعتزرلك
غسان: ماتلمي نفسك... على جثتي اتأسف
حور: خلاص خلي اخوك المحروس يموت... بصتلها نغم وبصت لريان اللي على النقاله ومغمى عليه
قربت منها وقالت: معلش يا حور ده مش ذنبه حاجه خليني ألحقه
حور بحده: اسكتي خالص...
اتنهد غسان وقال بضيق: انا اسف يا انسه
حور: دكتورة يا حضرت
جز على سنانه وقال: يا دكتورة
نغم بلهفه: وسعوا بقى هيموت..
دخلت نغم العمليات مع ريان.. وعدت اكتر من 5ساعات وهي جوه
كان قاعد غسان وايده على دماغه وحاسس بالخوف على اخوه
كانت واقفه بعيد مع الممرضه وقالت: لما تخلص خليها تكلمني
الممرضه: حاضر يا انسه...
جت عيله ريان كلها
فوزي: غسان يا ابني هو ماله اخوك
غسان: عمل حادثه وهو سكران وكان معاه بنات وهو دلوقتي في العمليات...
نجيب: امتى بقى هيبطل اللي بيعمله ده
فوزي: انا اللي دلعته ولازم يقف عند حده
فجأة عم الصمت على الكل لما شافو واحده في غايه الجمال لابسه اسود وبتتحرك بخطوات ثابته...
حور شافت العيله وافتكرت عملت اي في امها وابوها
فلاش باك..
كانت ام حور بتتحايل على فوزي عم جوزها انه يدلهم حقهم في الميراث بعد ما مات ابوه لكن فوزي رفض وطردهم وابو حور مات من الحسره وامها اتبهدلت عشان تخليها تتعلم
باك..
فضلت تبصلهم وكان قلبها وجعها كل ما تفتكر منظر اهلها
حور في نفسها: والله يا فوزي ياعمري انت وولادك وولاد ولادك لتندمو بس الصبر..
طلعت نغم وقالت: الحاله كانت صعبه اوي بس الحمدلله
حور ببرود: خلاص يا نغم سبيه يموت... يموت او يعيش احنا ملناش دعوة
اسماء: مالك ياقطه
حور بزعيق وحده: اركني على جمب ومتنسيش ان القطط بتخربش
اسماء بعدت ورا بخوف واستخبت ورا غسان....
حور: بقى واحد من عيله فوزي العمري يعمل حادثه وهو سكران ومعاه بنات في موضع وشكل استغفر الله
بصلها فوزي شويه وقال: انتي عاوزه اي
حور: مش عاوزه حاجه بس لما تيجي الشرطه وتشوف الحلو اللي بيسوق وهو سكران وبيعمل هه المحرمات هنبقى نتكلم
غسان: ومين قالك ان الشرطه هتعرف
ضحكت بإستفزاز وقالت: يمكن واحده بنت حلال زي رفعت محضر على المحروس الدلوع...
نجيب: طب اسحبي المحضر واحنا هنعملك اللي عوزاه
حور: عندي شرط
نجيب: اي حاجه هتطلبيها هتحصل
حور: حتى لو فوزي العمري اتحايل عليا
غسان بصدمه: انتي عبيطه
حور: تمام انا عبيطه عن اذنكم هروح اخلي الشرطه تتصرف
فوزي: يابنتي انا زي جدك.... مكملش كلامه لما قالت: انت مش زي جدي ولا عمرك هتبقى جدي
غسان بنفاذ صبر: بتتكلم على اساس انه جدها بارن ديلو
ضحكت وقالت: لولا انك مستفز ونفسي اضربك بس ماشي اما وريتك مقامك بصحيح..... يلا قدامك خمس دقايق بالظبط عشان اسحب المحضر...
فوزي قال: انا موافق
بصوله بصدمه وغسان قال بغضب: موافق على اي تتحايل على واحده زي دي
الجد: انت شايف حل تاني
قرب من حور وقال بتوسل: لو سمحت يا بناي وحيات اغلى حاجه عندك اسحبي المحضر
بصتله بشماته وهو قال: ابوس ايدك
مدت اديها ليه وقالت: بوسها
بصوله بصدمه ونغم بصتلها بمعنى غلط كده قرب عشان يبوسها
نغم قالت: غلط كده يا حور متخليش القسوة تعمل فيكي كده
حور: انتي مش حاسه بالنار اللي جوايا
حضنتها وقالت: حسه والله حسه لأننا واحد يقلبي
وهمست: خودي حقك بالعقل.. وبعدت وخبطت على كتفها بحنان... وحور بصتلها وهي ابتسمت ابتسامه خلتها تبتسم
نغم: انا بعتذر ليكم واسفه ياجدو
وسمعوا صوت الممرضه اللي قالت: دكتور عاوزين حضرتك...
نغم: عن اذنكم... ودخلت تجري عالعمليات....
الجد: عاوزك في كلمتين يا بنتي
نفخت بضيق وهو قال: مش هعطلك
امرت البودي جارد ميجيش واتحركت بثبات وغرور وهو جمبها...
فوزي: انتي مين
حور: هو اي اللي مين وضحكت بسخريه: معقوله مش عارفني...
فوزي: يااههه شبه ابوكي اوي
ضحكت وقالت: ابويا اللي هو ابن اخوك اللي ذليته ومردتش تديله ميراثه بعد ما ابوكم مات وقسم الميراث وانت اخدته كله
فوزي: ده انتي عارفه كل حاجه
حور: ابويا مات بحسرته بسببك وامي شقيت وتعبت عشان توصلني للي انا فيه وماتت من التعب وانا اقسمت اني هجيبلها حقها منك ومن عيالك وعيال عيالك
فوزي: احفادي ملهومش ذنب
ضحى: لاء ليهم ذنب ذنبهم انك جدهم وانت اللي عملت كده... واتحركت وقالت: متقلقش المحضر هسحبه ومش هيتحبس
واتحركت ومشيت وقالت للبودي جارد التاني: خليك جمب نغم فاهم لو حصلها حاجه مش هيكفيني موتك...حرك راسه بخوف
بعد ساعه...
طلعت من العمليات وقالت: الحمد لله العمليه نجحت... شويه وهيفوق...
بصلها غسان وقال: انتي اختها
نغم: لاء صحبتها...
غسان: عاوز اتكلم معاكي شويه
نغم بضيق: نعمم..
غسان: هو الانسه دي بتعاملنا كده ليه.
نغم بضيق: اسأل جدك وهو هيقولك
غسان: طب ماتقوليلي
بصتله بقرف ومشيت....
بعد وقت....
فاق ريان ولقى نغم ماسكه دفتر في اديها بيتابع حالته
بصلها من فوق لتحت يقيمها وقال ببسمه: انا فالجنه ولا اي
نغم ببسمه: حمد لله على سلامتك
ريان: الله يسلمك يا مزه
بصتله بإستغراب وقالت للممرضه: حسنيه خليكي جمبه لو حصله حاجه قوليلي...
حسنيه: حاضر يا دكتور
طلعت وهو قال لحسنيه: هي مين العسل ديه
حسنيه: دي دكتوره نغم
ابتسم بخبث وقال في نفسه: لاء بس جامده ياترى هتبقى جامده بردو وهي فحضني...
معداش ثواني ودخل اهله
غسان: عامل اي دلوقتي...
ريان: كويس الحمدلله
غسان بغضب: اي اللي عملته ده يا زفت
فوزي: شكلي دلعتك اوي بس هوقفك عند حدك
ريان: عاملين فيها خيفين عليا وانتو اصلا بتكرهوني انا اصلا مبحبكمش انا بكرهكم ادوني ورثي وسبوني امشي
فوزي: مش هطوله...
بليل...
كانت قاعده بتشرب قهوة وبتحرك رجليها بتوتر
نغم: اهدي شويه بدل مايحصلك حاجه
حور: انا بكرهم اوي يا نغم... عمري ما هنسى لما ابويا مات بحسرته بسببه وامي اشتغلت فالبيوت عشان تصرف عليا وماتت من التعب... وبدأت تعيط
اخدتها في حضنها وقالت: اهدي يقلبي.. اهدي... وغلاوتي عندك متعيطيش
حور بعياط: امتى بقى هرتاح وانام مرتاحه
نغم: هترتاحي والله هترتاحي
غمضت عنيها وهي فحضنها وقالت: معرفش كنت هعمل اي من غيرك... انتي اللي واقفه جمبي
نغم: ده انا اختك يا بت عمري ما هسيبك... فاكره يا بت لما كنت فالمدرسه والبنات كانت بضايقني وانتي دافعتي عني
حور بضحك: اه ولما كسرت ايد البنت اللي شدتلك شعرك.... كنتي رقيقه اوي وحساسه... دلوقتي شرسه والرقه راحت في داهيه
ضحكت وقالت: من يومها واحنا اتعرفنا... وكمان انا رقيقه بس مبحبش ابين
حور ببسمه: اه... عمري ماهنسالك الجميل
نغم: جميل اي
حور: انك ادتيني كل ميراثك عشان اعمل الشركه دي... اوعدك هرجعلك كل قرش اخ....
قاطعتها وقالت: لاء ازعل منك احنا مفيش بينا فلوس انتي فاهمه... فلوسي هي فلوسك... ونا قولتلك مش هاخد منك ولا مليم.. ولو قولتي كده تاني ولا هعرفك تاني
حور: ماشي يا نغم
عند فوزي فالمكتب...
كان فوزي بيكلم حد فالتليفون...
فوزي بغضب: يعني اي كل اللي بتقوله ده... جابت الفلوس دي منين
مسعد: اللي عرفته ياباشا ان صحبتها شريكه فالشركه دي بنسبه كبيرة اوي
فوزي: طب اقفل دلوقتي قفل معاه وبص للمكتب بشر وقال بتفكير: مش هي بتحب صحبتها اوي كده انا هحرق قلبها عليها... وابتسم بسمه شريره وقال: والله لأوريكي يا حور يابنت مالك
عند ريان...
كان قاعد باصص للسقف وبيفكر فيها وبيتخيل سينريوهات قذرة معاها وقال: والله لأوريها لهفة القشطه دي....
تاني يوم...
كانت واقفه وماسكه ورق ولابسه نضارة نظر لقت حد بيخبط على كتفها...
لفتله وبصتله بإستغراب وقالت: افندم في حاجه
ريان: ماله القمر شديد معايا كده ليه ده حتى انا مريض عندها
نغم: ما انت زي القرد اهه مريض اي
بصلها وقال: قرد؟؟
اتحركت على مكتبها وهو راح وراها وقبل ما تدخل قال: ينفع اتكلم معاكي
نغم بضيق: استغفر الله العظيم... انت عاوز اي يا استاذ
ريان: عاوز نتعرف
نغم: سوري مبتعرفش... ولسه هتدخل الاوضه
وفجأة.....
أنت تقرأ
انتقام العشاق
Actionلم نكن نعلم اننا سنذوق الحب من طرف من نكره...، تذوقناه من قريب من تسبب في الدمار.. رغم غرورهما وكبريائهما على الاعتراف بحبهما لبعضهما...، تبدأ من هنا الحكايه لكتابه اول سطور المعاناه.. وهنا يكون السؤال هل سيزول الانتقام ام سيولد عشق جميل وينهي هذه ا...
