انتقام العشاق

الحلقه ال٦

الحلقه ال٦
وكانت شنطه فيها مسحوق ابيض
ابتسم وقال: وآدي بضاعتكم اهه...
اخد البضاعه والراجل قام واخد شنطه المخدرات وقام ومشي...
كلم فوزي حد فالتليفون وقال: نفذ اللي قولتلك عليه.. وقفل معاه...
كان الراجل (الديلر) كان سايق العربيه وبيتكلم فالتليفون: ايوه ياباشا... البضاعه معايا اهه وو.... مكملش كلامه لما اخد طلقه.... العربيه اتقلبت بيه قرب راجل تبع فوزي من العربيه اخد البضاعه قبل العربيه ماتنفجر... وبعت رساله لفوزي: تم...
ابتسم فوزي بشر لما وصله الرساله....
عند حور...
كانت قاعده في كافيه لابسه اسود كعادتها ونضاره شمس وحطه رجل على رجل وشغاله عاللاب بتاعها... لقت حد بيحط قهوة قدامها رفعت نظرها لشخص ده وكان غسان...
قعد قدامها وحط رجل على رجل وقال: يااهه ده اي الصدف الحلوة دي المزه بنفسها هنا..
حور: في اي يا غسان..
غسان: ماهو حلو اهه
حور: هو اي ده
غسان: اسمي.. حلو وهو طالع منك..
حاولت تمنع ابتسامتها بالعافيه وهو قال: اضحكي بقى خلي الشمس تدخل
رسمت البرود وقالت: وبعدين...
غسان: خلاص اي... بتعملي اي
حور: وانت مالك
غسان: طب شكرا ياستي... تحبي اتكلم معاكي شويه
حور: لاء..
غسان: طب تمام.. كنت عاوز اقولك انتي ملكيش حق تشرطي على اخويا حاجه....
حور: هو مش بيحبها زي مايقول يستحمل بقى
غسان:انتي مين اصلا عشان تفرضي عليه حاجه وتتكلمي نيابه عنها..
حور:انا مين هقولك انا مين... انا حور صحبتها واختها وعارفه اني برميها فالجحيم مع العيله دي
غسان: انا مقدر خوفك عليها.. بس ريان بيحبها
حور: خلاص مادام بيحبها ينفذ اللي انا قولته
غسان: اي موضوع فلوس الحرام ديه
حور: عند جدك الاجوبه
غسان بغضب: ماتخلصينا في اي
حور بغضب: انت متزعقليش فاهم ولا لاء... وانا غلطت في اي كل اسألتك اجوبتها عند جدك ركز معاه شويه وشوفه بيعمل اي بعد نص الليل....
بصلها وقال: بعد نص الليل؟؟
حور: اه... انا لو منك ارجع القصر وخصوصا ان فيه حجات غريبه عندكم فالقصر من ساعت مامشيت انت وريان وهو بيعرف يشتغل براحته... وبدل مايحصلك حاجه لو مرجعتش
مفهمش كل الكلام وقال: انتي بترقبي القصر
حور: سميها زي ما انت عاوز... حلو اوي الجينتل مان اخوك انه سافر عشانها..
قام غسان وقال: نغم لريان غصب عنك وعنها... ونزل على ركبته وقال: هنتقابل تاني قريب وقام ومشي....بصت لأثره وهو ماشي مبتسم وماشي بكبرياء يماثلها.. ابتسمت تلقائي وجت في بالها افكار نفضتها وركزت في شغلها
عند نغم...
كانت ماشيه عالبحر وحطه اديها في جيبها وماشيه سرحانه ومش داريه بالدنيا بتفكر في اهل بباها وبنت مرات ابوها اللي مش سيباها في حالها بتفكر في حياتها... في العمليه اللي المفروض تعملها واللي نسبتها قليله في النجاح بتفكر في ريان اللي بتحس معاه بالأمان وحنيه محستهاش من وهي صغيره.... قعدت على الشاطيء بتاع البحر وضمت رجليها واتنهدت وقالت: مش هعمل العمليه... مش هعملها...
لقت حد بيطبطب على كتفها... بصتله وكان ريان...
نغم بصدمه: ريان؟؟ انت بتعمل اي هنا
ريان: كده تبعدي عني.. وبعمل ايه هنا انا هنا عشانك
نغم: ابعد فين تاني يا ريان... سبني في حالي
ريان: انتي بجد مش عوزاني وبتبعدي عني....
نغم: صدقني يا ريان مش هينفع...
قعد قدامها وقعد نفس قعدتها وقال: ليه مش هينفع انا قولتلك هتعالج وهبقى شخص تاني بس اصبري عليا بس...
نغم: الموضوع مش عندك انت...
ريان: اومال اي فهميني...
نزلت دموعها وقالت: اهلي يا ريان... اهلي مش سيبني في حالي ولا هيسبوني
ريان وهو بيمسح دموعها: طب فهميني... مش ممكن نحل الموضوع...
اتنهدت وقالت: مش هق....
قاطعها وقال: احكي وانا هسمعك ومهما قولتي انا مش هسيبك وهفضل جمبك لحد اخر عمري...
ابتسمت وقالت:طيب.. جدي قبل مايموت ساب ورث كبير اوي بابا لأنه الكبير في اخواته اخد النسبه الكبيره ولما مات وصيته كانت الورث هيتقسم لبنت مرات ابويا ومرات ابويا وانا.... والمفروض الباقي لأخواته انا ليا نسبه الكبيرة فالورث على حسب وصية بابا يعني اراضي وفلوس وكدا... قالولي اني لازم اتنازل عن الارض لأنها بتاعتهم كلهم وبيشتغلوا فيها ولما اتم السن القانوني هيدوهالي... فأنا واحده عندها ١٦سنه هاخد قرار زي ده ازاي ولأني مش عارفه اي سني القانوني وكمان كنت بحب عمي فتحي الكبير فكنت بسمع كلامه وهو قالي اني اتنازل واول ما اتم السن القانوني هتتكتب بإسمي.. انا صدقته وسمعت كلامهم ومضيت وكل حاجه... وكملت بعياط: بس خلوني امضي على التنازل وكتب كتابي على ابراهيم...
ريان: إبراهيم مين
نغم بعياط: ابن مرات ابويا قبل ما هي تتجوز بابا كان عندها ولد اكبر مني بسنتين وبنت اصغر مني بسنه انا كنت بعتبره اخويا لكن لما بدأت اكبر لقيته بيعمل تصرفات معايا مش كويسه وبيحاول يقرب مني بطريقه بردو مش كويسه ولما رجع من السفر لقيته بيعاملني بطريقه بردو مش كويسه وطلب مني الجواز كذا مره وانا مكنتش بوافق...كتم غضبه بالعافيه ووعد نفسه انه هينتقملها وهيندم الشخص ده انه فكر في حبيبته او لمسها بطريقه مش كويسه وبصلها بحنان وقال: حقك عندي انا... وانا اللي هرجعه... هو ده السبب اللي مخليكي تبعدي عني... حركت دماغها ب اه وهو ابتسم وكان هيبو*سها هى بعدت ورا وقالت: لم نفسك ياعم انت
ريان: خلاص ياستي خلاص... دي بو*سه يعني
نغم: حرام بردو...
ريان: الصراحه انتي قمر يا قمر...
كانت هتضربه مسك اديها وقال: خدي ورم من الاقلام.. حرام عليكي
نغم: تستاهل عشان قليل الادب
ريان: ماشي ياستي.... بعد الجواز نتحاسب
نغم: مين قال اصلا اني هتجوزك
ريان: انا بقولك
نغم: مش هيحصل
ريان:هنشوف..
لفت وشها بخجل وهو ضحك وطلع شوكلاته من جيبه واداهلها... بصتله ببسمه واخدتها وبدأت تاكلها وهو بيتغزل فيها وبيبصلها بحب...
قعد جمبها وقال: انا ساكن في الشقه اللي جمبك على فكره عشان لو عوزتي حاجه
نامت على كتفه وقالت: ماشي... انت عرفت مكاني منين...
ريان: حبيبتك قالتلي
ابتسمت وقالت: انا قولتلها تقولك ابعد عني
ريان: حتى لو هي قالتلي كده مكنتش هبعد عنك...
نغم: وليه بقى ان شاء الله
همس وقال: هقولها يوم ما اتقدم...
وبصلها وهي ابتسمت وغمضت عنيها وهي نايمه على كتفه وهي مش خايفه وحاسه بالأمان...
عند غسان...
كان قاعد بيشرب قهوته وبيقول: يا بختك يا عم مقضيها رومانسيه مع المزه بتاعتك وسايبني هنا افكر لوحدي... قام حضر شنطته وبعت رساله لسليم بيقول فيها:انا راجع القصر حور قالتلي كام حاجه كده لازم ابقى فالقصر انا هرجع وشوف لو عاوز ترجع عالقصر تعالى مع اني عارف انك مش هترجع عشان تسمع الكلام عشان حبيبت القلب...
واتحرك عالقصر....
اول ما دخل القصر بصله الكل
قرب غسان من جده وباس ايده وقال: حقك عليا يا جدي انا اسف اني عصيت امرك وسيبتك
بصله جده وقال: تمام يا غسان... اومال فين اخوك
غسان: معرفش صحيت ملقتهوش
بصله وابتسم بسخريه وقال: مسافر لحبيبت القلب
سكت غسان وقال: معرفش الله اعلم... واتحرك على اوضته
الجد في نفسه: كويس انه رجع لأنه لو مكنش رجع كنت هنفذ عقابي... اما بقى ريان بيه اللي عامل فيها كبير وغضبان انا هعاقبه بطريقتي...
واتصل بحد وقال: خليك وراهم ونفذ في الوقت المناسب فاهم... وقفل معاه...
بليل...
كانت نامت على كتفه وهو سايبها لحد ما تقوم بصلها بحب وقال: قريب يا حبيبتي هتبقي على اسمي...
وصله رساله من غسان قراها وبعتله رساله وقال: انا هرجع من ايطاليا لما هي تقرر ترجع انا معاها دلوقتي عشان احميها وابقى جمبها ولما ارجع هروح على شقتي ومش هرجع القصر ده... قفل المحادثه
وهي بدأت تصحى وبصتله بنوم: هو انا نمت كتير
ابتسم وقال: كتير اوي وسبتيني اقعد لوحدي
بعدت عنه وقالت: معلش... فركت عنيها بطفوله وهو باصصلها ومبتسم وهي قالت: انا عاوزه اروح
ابتسم وقال: طب يلا...
واتحركوا....
بعد وقت...
كانوا واقفين تحت العماره وهو قال: انا الشقه اللي قدامك على طول اي حاجه تعوزيها كلميني
نغم: حاضر..
ريان: ماتفتحيش لحد
نغم: حاضر...
ريان: ومتطلعيش البلكونه بشعرك عشان محدش يبص عليكي...
ابتسمت وقالت: حاضر... وعلى فكره انا مبطلعش من غير طرحه...
ريان: شطورة...
نغم: انت رايح فين
ريان: هنبدأها تحقيق
نغم: خلاص ياعم انا كنت بطمن عليك
ريان: هروح اخونك
ضربت في كتفه وقالت: بطل رخامه وقول رايح فين...
ضحك وقال: هروح اشتري حجات كده وجاي علطول
نغن: اوكي... ينفع تجبلي حاجه
ريان: قولي
نغم: عاوزه صلصه
ريان: نعمم
نغن: اي عاوزه صلصه اعمل بيتزا..
ابتسم وقال: حاضر.. وكلم نفسه: اول مره تطلب مني حاجه وتطلع برطمان صلصه صبرني يارب...
عملتله باي وكانت هتطلع لقت صوت ضرب نار وو...
يتبع..